പുതുക്കാട്: കേബിള്‍ ടി.വി ഓപ്പറേറ്റേഴ്‌സ് അസോസിയേഷന്റെ പുതുക്കാട് മേഖല സമ്മേളനം ശനിയാഴ്ച്ച കോടാലിയില്‍ നടക്കും.
വ്യാപാരഭവനില്‍ രാവിലെ ഒന്‍പതിന് സംസ്ഥാന ജനറല്‍ സെക്രട്ടറി രാജന്‍ നമ്പീശന്‍ ഉദ്ഘാടനം ചെയ്യും. മേഖല സെക്രട്ടറി കെ.ഐ ഷിഫര്‍ പ്രവര്‍ത്തന റിപ്പോര്‍ട്ടും ട്രഷറര്‍ ബിജു പോള്‍ സാമ്പത്തിക റിപ്പോര്‍ട്ടും അവതരിപ്പിക്കും.
ജില്ല ട്രഷറര്‍ പി. ആന്റണി, സംസ്ഥാന വൈസ് പ്രസിഡന്റ് പി.ഗോപകുമാര്‍, കേരള വിഷന്‍ ചെയര്‍മാന്‍ ജയപ്രകാശ്, ഇന്‍ഫൊ നെക്‌സസ് ചെയര്‍മാന്‍ ആന്റോ വി.മാത്യു, കേരളാവിഷന്‍ ഡയറക്ടര്‍ ടി.പി സിജൊ പങ്കെടുക്കും. തുടര്‍ന്ന് ഭാരവാഹി തെരഞ്ഞെടുപ്പും നടക്കും. ഉച്ചതിരിഞ്ഞ് നടക്കുന്ന പൊതു സമ്മേളനം അസിസ്റ്റന്റ് പൊലിസ് കമ്മിഷണര്‍ പി.വാഹിദ് ഉദ്ഘാടനം ചെയ്യും.
കൊടകര ബ്ലോക്ക് പഞ്ചായത്തംഗം മോഹനന്‍ ചള്ളിയില്‍ അധ്യക്ഷനാവും. കലാ സാംസ്‌കാരിക മേഖലയിലെ പ്രതിഭകളെ ചടങ്ങില്‍ ആദരിക്കുമെന്ന് വാര്‍ത്താ സമ്മേളനത്തില്‍ പങ്കെടുത്ത മേഖല ഭാരവാഹികളായ കെ.മോഹനന്‍, പി.ഗോപകുമാര്‍. ആര്‍. മോഹനകൃഷ്ണന്‍, കെ.ഐ ഷീഫര്‍ അറിയിച്ചു.