കല്‍പ്പറ്റ: വയനാട് പ്രസ് ക്ലബ്, ജില്ല മണ്ണ് സംരക്ഷണ വിഭാഗം, ഹരിതകേരള മിഷന്‍ എന്നിവയുടെ നേതൃത്വത്തില്‍ ഈമാസം 16ന് സംഘടിപ്പിക്കുന്ന ജലസമ്മേളനത്തിന്റെ പരസ്യ ചിത്രം പ്രകാശനം ചെയ്തു.
പ്രസ് ക്ലബ് ഹാളില്‍ നടന്ന ചടങ്ങില്‍ പാരമ്പര്യ കര്‍ഷകന്‍ ചെറുവയല്‍ രാമന്‍ വീഡിയോയുടെ സ്വിച്ചോണ്‍ നിര്‍വഹിച്ചു. മൊഗസ്റ്റാര്‍ മമ്മൂട്ടി ആശംസ അര്‍പ്പിക്കുന്ന ചിത്രം സംവിധാനം ചെയ്തത് മാതൃഭൂമി ചാനല്‍ കാമറാമന്‍ ഷമീര്‍ മച്ചിങ്ങലാണ്. ഏച്ചോം എടത്തുംകുന്ന് കോളനിയിലെ ദില്‍നയും ചിത്രത്തില്‍ അഭിനയിച്ചിട്ടുണ്ട്.
ചടങ്ങില്‍ പ്രസ് ക്ലബ് പ്രസിഡന്റ് രമേശ് എഴുത്തഛന്‍ അധ്യക്ഷനായി. പി.യു ദാസ്, ബി.കെ സുധീര്‍കിഷന്‍ സംസാരിച്ചു. പി.ഒ ഷീജ സ്വാഗതവും ജംഷീര്‍ കൂളിവയല്‍ നന്ദിയും പറഞ്ഞു. ജനം ടി.വി റിപോര്‍ട്ടര്‍ ഐസണ്‍ ജോസിന് ചടങ്ങില്‍ യാത്രയയപ്പ് നല്‍കി.