തിരുവനന്തപുരം: ശക്തമായ മഴയും രാജ്‌കോട്ടില്‍ നിന്ന് വൈകി പറന്നിറങ്ങിയതിന്റെ ക്ഷീണവും മാറാത്തതിനാല്‍ ഇന്നലെ ഇന്ത്യ- ന്യൂസിലന്‍ഡ് ടീമുകള്‍ ഗ്രീന്‍ഫീല്‍ഡില്‍ പരിശീലനത്തിന് എത്തിയില്ല.
എന്നാല്‍, പരിശീലനം മുടങ്ങിയത് ടീമിന്റെ പ്രകടനത്തെ ബാധിക്കില്ലെന്ന ആത്മവിശ്വാസം ഇരു ടീമുകളും പ്രകടിപ്പിച്ചു. കോവളം റാവീസ് ലീലാ ഹോട്ടലില്‍ വ്യത്യസ്ത സമയങ്ങളില്‍ ഇരു ടീമുകളിലെയും രണ്ട് താരങ്ങള്‍ വാര്‍ത്താ സമ്മേളനം നടത്തി. ഇന്ത്യയെ പ്രതിനിധീകരിച്ച് പേസര്‍ ഭുവനേശ്വര്‍ കുമാറും കിവികള്‍ക്ക് വേണ്ടി സ്പിന്നര്‍ മിച്ചല്‍ സാന്റാനറുമാണ് മാധ്യമ പ്രവര്‍ത്തകര്‍ക്ക് മുന്നില്‍ എത്തിയത്.