കൊടുവള്ളി (കോഴിക്കോട്): അരലക്ഷം രൂപയുടെ കള്ളനോട്ടുമായി തബലിസ്റ്റായ സിനിമാ പ്രവര്‍ത്തകന്‍ അറസ്റ്റില്‍. താമരശ്ശേരി പൂനൂര്‍ പറയരുകണ്ടി സി.എന്‍ സാബുവിനെ(46) ആണ് പൊലിസ് പിടികൂടിയത്. കിഴക്കോത്ത് എളേറ്റില്‍ പെട്രോള്‍പമ്പില്‍ നിന്നു ബൈക്കില്‍ പെട്രോള്‍ നിറയ്ക്കാനെത്തിയ സാബു 500 രൂപയുടെ കള്ളനോട്ട് നല്‍കിയതിനെ തുടര്‍ന്നു ജീവനക്കാര്‍ തടഞ്ഞുവച്ച് പൊലിസിനെ അറിയിക്കുകയായിരുന്നു. തുടര്‍ന്ന് സാബുവിന്റെ ഉടമസ്ഥതയിലുള്ള പൂനൂരിലെ തബല പരിശീലനകേന്ദ്രത്തില്‍ നിന്നും 5000 രൂപയുടെ കള്ളനോട്ടും വീട്ടില്‍ നിന്ന് 50,000 രൂപയുടെ കള്ളനോട്ടും കണ്ടെടുക്കുകയായിരുന്നു. പ്രതിയെ താമരശ്ശേരി കോടതി റിമാന്‍ഡ് ചെയ്തു.
കഴിഞ്ഞയാഴ്ചയും 500 രൂപയുടെ കള്ളനോട്ട് ലഭിച്ചതിനെ തുടര്‍ന്ന് പമ്പ് ജീവനക്കാര്‍ 500 രൂപ നല്‍കുന്നവരെ നിരീക്ഷിച്ച് വരികയായിരുന്നു.