മുക്കം: 13-ാമത് മുക്കം ഉപജില്ലാ സ്‌കൂള്‍ കലോത്സവത്തിന് ഇന്നു തുടക്കം. മണാശ്ശേരി, വേനപ്പാറ സ്‌കൂള്‍ എന്നിവിടങ്ങളിലാണ് വേദികള്‍. 15, 16,17 തിയതികളില്‍ വേനപ്പാറ സ്‌കൂളില്‍ ജനറല്‍ വിഭാഗത്തിലെ മത്സരങ്ങള്‍ നടക്കും. വ്യാഴാഴ്ച വൈകിട്ട് അഞ്ചിന് മുക്കം നഗരസഭാ ചെയര്‍മാന്‍ വി. കുഞ്ഞന്‍ മാസ്റ്ററുടെ അധ്യക്ഷതയില്‍ ജോര്‍ജ് എം. തോമസ് എം.എല്‍.എ മേള ഉദ്ഘാടനം ചെയ്യും.
റവ. ഫാദര്‍ സെബാസ്റ്റ്യന്‍ പുരയിടത്തില്‍ മുഖ്യപ്രഭാഷണം നിര്‍വഹിക്കും. 17ന് വൈകിട്ട് ആറിന് നടക്കുന്ന സമാപന സമ്മേളനം കാരാട്ട് റസാഖ് എം.എല്‍.എ ഉദ്ഘാടനം ചെയ്യും.
മത്സരവാര്‍ത്തകളും ഫലങ്ങളും അറിയുന്നതിനായി കെ.എസ്.ടി.യുവിന്റെ നേതൃത്വത്തിലുള്ള പ്രചാരണ കമ്മിറ്റി മൊബൈല്‍ ആപ്ലിക്കേഷന്‍ പുറത്തിറക്കി. സംസ്ഥാന പ്രസിഡന്റ് സി.പി ചെറിയ മുഹമ്മദ് ലോഞ്ചിങ് നിര്‍വഹിച്ചു. പി.കെ ഷരീഫുദ്ദീന്‍ അധ്യക്ഷനായി. കെ.പി ജാബിര്‍, ടി.പി അബൂബക്കര്‍, നിസാം കാരശ്ശേരി, ഇസ്ഹാഖ് കാരശ്ശേരി, യു. നസീബ് സംസാരിച്ചു. മത്സരഫലങ്ങള്‍ ംംം.ഗേൌാൗസസമാ.യഹീഴുെീ.േശി എന്ന വെബ്‌സൈറ്റില്‍ ലഭ്യമാകുമെന്ന് ഭാരവാഹികള്‍ അറിയിച്ചു.