ബെയ്ജിങ്: കിഴക്കന്‍ ചൈനയില്‍ വാഹനങ്ങള്‍ കൂട്ടിയിടിച്ച് 18 പേര്‍ മരിച്ചു. 21 പേര്‍ക്ക് പരുക്കേറ്റു. അന്‍ഹുയി പ്രവിശ്യയില്‍ അതിവേഗ പാതയില്‍ ഇന്നലെ രാവിലെയാണ് കൂട്ടവാഹനാപകടങ്ങളുണ്ടായത്. ബസുകള്‍ ഉള്‍പ്പെടെ 30 വാഹനങ്ങളാണ് കൂട്ടിയിടിച്ചതെന്ന് ചൈനീസ് മാധ്യമങ്ങള്‍ റിപ്പോര്‍ട്ട് ചെയ്തു. കനത്ത മഞ്ഞിനെ തുടര്‍ന്നാണ് വാഹനങ്ങള്‍ കാണാത്തതാണ് അപകടങ്ങള്‍ക്ക് കാരണമെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു.
വാഹനങ്ങള്‍ കൂട്ടിയിടിച്ചതിനെ തുടര്‍ന്ന് തീപടര്‍ന്നെന്നും നിരവധി വാഹനങ്ങള്‍ അഗ്നിക്കിരയായിട്ടുണ്ടെന്നും സിന്‍ഹുവ റിപ്പോര്‍ട്ട് ചെയ്തു.