പെരിന്തല്‍മണ്ണ: വ്യത്യസ്തകഴിവുകള്‍ തെളിയിച്ച് ലോക റെക്കോഡില്‍ ഇടംപിടിച്ചവരുടെ വാര്‍ഷികയോഗം 25ന് കൊല്‍ക്കത്തയില്‍. പെരിന്തല്‍മണ്ണയില്‍ നിന്നും വിന്നര്‍ഷെരീഫിന്റെ നേതൃത്വത്തിലുള്ള സംഘവും സംഗമത്തില്‍ പങ്കെടുക്കും. കെ സന്ദീപ്, കെ അഹമ്മദ് ഹുസൈന്‍, സി സെയ്തലവി, ഇ ശ്രീധരന്‍ സി.പി അരുണ്‍ എന്നിവരാണ് വിന്നര്‍ ഷെരീഫിനോടൊപ്പം ടാലന്റ് ഫെസ്റ്റില്‍ പങ്കെടുക്കുന്നത്.
സംഗമത്തിന്റെ മുന്നോടിയായി യൂനിവേഴ്‌സല്‍ റെക്കോഡ് ഫോറത്തിന്റെ ആഭിമുഖ്യത്തില്‍ കൊല്‍ക്കത്ത പ്രസ്‌ക്ലബില്‍ യോഗം ചേര്‍ന്നു. ജോര്‍ജിയ ആസ്ഥാനമായി പ്രവര്‍ത്തിക്കുന്ന ജോര്‍ജിയന്‍ റിക്കാര്‍ഡ് ഓര്‍ഗനൈസേഷന്‍, സ്‌പെയിനിലെ ബാര്‍സിലോണ ആസ്ഥാനമായ ഒഫിഷ്യല്‍ വേള്‍ഡ് റിക്കാര്‍ഡ് എന്നിവരുമായി സഹകരിച്ചാണ് യു.ആര്‍.എഫ് പ്രവര്‍ത്തിക്കുന്നത്. 101 ലോക റിക്കാര്‍ഡിനുടമയായ 'സ്‌ട്രോങ് മാന്‍ ഓഫ് ദി വേള്‍ഡ്' പട്ടം നേടിയ ബര്‍നാഡ് ഹോള്‍ എന്ന ജര്‍മന്‍കാരനാണ് ഇതിന്റെ ഗ്ലോബല്‍ ബ്രാന്‍ഡ് അംബാസിഡര്‍. യു.ആര്‍.എഫ് സി.ഇ.ഒ ഡോ സൗദീപ് ചാറ്റര്‍ജി , ദേശീയ അധ്യക്ഷന്‍ പ്രജിഷ് കണ്ണന്‍, ചീഫ് എഡിറ്റര്‍ ഡോ. സുനില്‍ ജോസഫ് എന്നിവരും പരിപാടിയില്‍ സന്നിഹിതരായിക്കും.