കണ്ണൂര്‍: മാവോയിസ്റ്റ് അക്രമത്തിന് സാധ്യതയെന്ന പൊലിസ് രഹസ്യാന്വേഷണ റിപ്പോര്‍ട്ടിന്റെ അടിസ്ഥാനത്തില്‍ കണ്ണൂര്‍ കലക്ടറേറ്റില്‍ സുരക്ഷാപരിശോധന. ബോംബ് സക്വാഡിന്റെ ഡോഗ് സ്‌ക്വാഡിന്റെയും നേതൃത്വത്തിലാണ് ഇന്നലെ കലക്ടറേറ്റിലും പരിസരങ്ങളിലും പരിശോധന നടത്തിയത്.
എസ്.ഐ ടി.വി.ശശിധരന്റെ നേതൃത്വത്തിലായിരുന്നു പരിശോധന. കലക്ടറേറ്റ് പരിസരത്തെ ഉപയോഗശൂന്യമായ വാഹനങ്ങളിലും പരിശോധന നടത്തി. അക്രമഭീഷണിയെ തുടര്‍ന്ന് ഇരിട്ടി മേഖലയിലെ അഞ്ച് പൊലിസ് സ്‌റ്റേഷന്‍ പരിധികളില്‍ റെഡ് അലര്‍ട്ട് പ്രഖ്യാപിച്ചിരുന്നു. ജില്ലയുടെ വനാതിര്‍ത്തിയിലുള്ള പൊലിസ് സ്‌റ്റേഷന്‍ പരിധിയില്‍ കഴിഞ്ഞ ദിവസങ്ങളില്‍ റെയ്ഡും നടത്തിയിരുന്നു.