തിരുവനന്തപുരം: ഇടതു സര്‍ക്കാരിന്റെ വ്യവസായ നയം അടുത്ത നിയമസഭാ സമ്മേളനത്തില്‍ സഭയുടെ മേശപ്പുറത്തുവയ്ക്കും. കരട് നയം പുറത്തിറക്കിയതിനു ശേഷമുള്ള നടപടിക്രമങ്ങള്‍ അതിന്റെ അന്തിമഘട്ടത്തിലാണ്.
എന്നാല്‍ ഇതില്‍ പറഞ്ഞിട്ടുള്ള പല നയങ്ങളും കഴിഞ്ഞ യു.ഡി.എഫ്. സര്‍ക്കാരിന്റെ നയത്തില്‍ ഉള്ളതാണെന്ന് ആക്ഷേപം ഉയര്‍ന്നിരുന്നു. കരട് പുറത്തിറക്കിയ ശേഷം ഓരോ ജില്ലകളിലുമുള്ള വ്യവസായികളുടേയും മറ്റും അഭിപ്രായങ്ങള്‍ ശേഖരിച്ചിരുന്നു. ഈ അഭിപ്രായങ്ങളുടെ അടിസ്ഥാനത്തില്‍ ക്രോഡീകരിച്ചെടുത്ത ആശയങ്ങളില്‍ സര്‍ക്കാരിന് സ്വീകാര്യമായവകൂടി ഉള്‍പ്പെടുത്തിയാണ് അന്തിമമായ നയത്തിന് രൂപം നല്‍കിയിരിക്കുന്നത്.