അഹമ്മദാബാദ്: തെരഞ്ഞെടുപ്പില്‍ മത്സരിക്കുന്ന ബി.ജെ.പി സ്ഥാനാര്‍ഥികളുടെ മൂന്നാംഘട്ട ലിസ്റ്റ് ഇന്നലെ പുറത്തിറക്കി. 28 പേരാണ് ലിസ്റ്റിലുള്ളത്. ഇവരില്‍ 15 പേര്‍ സിറ്റിങ് എം.എല്‍.എമാരാണ്. എന്നാല്‍ ഇവര്‍ക്കാര്‍ക്കും നേരത്തെ മത്സരിച്ച് വിജയിച്ച സീറ്റുകള്‍ നല്‍കിയിട്ടില്ലെന്നത് ശ്രദ്ധേയമാണ്. മുഖ്യമന്ത്രി വിജയ് റുപാനി മന്ത്രി സഭയിലെ മൂന്ന് പേരും നേരത്തെയുള്ള മണ്ഡലത്തില്‍ നിന്ന് മാറിയാണ് ഇത്തവണ മത്സരിക്കുന്നത്.
സിറ്റിങ് എം.എല്‍.എമാരായ താരാചന്ദ് ഛെദ്ദ, പൂനം മക്്‌വാന, ജയന്തി കവാദിയ, ഭാനിബെന്‍ ബബാരിയ, വസുബെന്‍ ത്രിവേദി, അരവിന്ദ് ലദാനി, ജേത സോളങ്കി, വല്ലഭ് വഗാസിയ, ടി.ഡി മാനിയ, പ്രഫുല്‍ പാന്‍സേരിയ, അജയ് ചോക്‌സി, ജനക് കച്ചാദിയ, നരോത്തം പട്ടേല്‍, നാണുവനാനി, പുന ഗാമിത്ത് എന്നിവര്‍ക്ക് ഇത്തവണ സീറ്റ് നല്‍കിയിട്ടില്ല.