തിരുവനന്തപുരം: ഉദ്യോഗസ്ഥ തലത്തില്‍ അഴിച്ചുപണി നടത്താന്‍ മന്ത്രിസഭായോഗം തീരുമാനിച്ചു. നിരവധി ഉദ്യോഗസ്ഥരെ മാറ്റി നിയമിക്കാനും ചിലര്‍ക്ക് അധിക ചുമതലകള്‍നല്‍കാനുമാണ് തീരുമാനം. തൊഴില്‍ നൈപുണ്യ വകുപ്പ് അഡീഷണല്‍ ചീഫ് സെക്രട്ടറി ടോം ജോസിന് ജല വിഭവ വകുപ്പ് അഡീഷണല്‍ ചീഫ് സെക്രട്ടറിയുടെ അധിക ചുമതല കൂടി നല്‍കും.
റവന്യൂ വകുപ്പ് അഡീഷണല്‍ ചീഫ് സെക്രട്ടറി പി.എച്ച് കുര്യനു പരിസ്ഥിതി വകുപ്പിന്റെ അധിക ചുമതല കൂടി നല്‍കും. പട്ടികജാതി, പട്ടികവര്‍ഗ വികസന വകുപ്പ് പ്രിന്‍സിപ്പല്‍ സെക്രട്ടറി ഡോ. വി. വേണുവിന് വനം-വന്യജീവി വകുപ്പിന്റെ അധിക ചുമതല കൂടി നല്‍കും. രാജു നാരായണ സ്വാമിയെ ഉദ്യോഗസ്ഥ ഭരണ പരിഷ്‌കാര വകുപ്പ് പ്രിന്‍സിപ്പല്‍ സെക്രട്ടറിയായി മാറ്റി നിയമിക്കും.
പൊതു വിദ്യാഭ്യാസ വകുപ്പ് സെക്രട്ടറി ഡോ. ഉഷാ ടൈറ്റസിനെ ഉന്നത വിദ്യാഭ്യാസ വകുപ്പ് സെക്രട്ടറിയായി മാറ്റി നിയമിക്കും. പാര്‍ലമെന്ററികാര്യ വകുപ്പ് സെക്രട്ടറി ടി.ഒ സൂരജിനെ ഉദ്യോഗസ്ഥ ഭരണ പരിഷ്‌കാര വകുപ്പ് സെക്രട്ടറിയായി മാറ്റി നിയമിക്കും. കായിക യുവജനകാര്യ വകുപ്പിന്റെ അധിക ചുമതലയും നല്‍കും. തദ്ദേശ സ്വയംഭരണ വകുപ്പ് സ്‌പെഷല്‍ സെക്രട്ടറിയായി ഡോ. ബി. അശോകിനെ നിയമിക്കും. സഹകരണ വകുപ്പ് സ്‌പെഷല്‍ സെക്രട്ടറി പി. വേണുഗോപാലിനു വിവര പൊതുജന സമ്പര്‍ക്ക വകുപ്പ് സ്‌പെഷല്‍ സെക്രട്ടറിയുടെ അധിക ചുമതല നല്‍കും. തദ്ദേശ സ്വയംഭരണ വകുപ്പ് സെക്രട്ടറി എ. ഷാജഹാനെ പൊതു വിദ്യാഭ്യാസ വകുപ്പ് സെക്രട്ടറിയായി മാറ്റി നിയമിക്കും.
എ. അജിത് കുമാറിനെ തദ്ദേശ സ്വയംഭരണ വകുപ്പ് (റൂറല്‍) സെക്രട്ടറിയായി നിയമിക്കും. വിനോദ സഞ്ചാര വകുപ്പ് അഡീഷണല്‍ ഡയറക്ടര്‍ (ജനറല്‍) ജാഫര്‍ മാലികിന് നോര്‍ക്ക റൂട്ട്‌സ് സി.ഇ.ഒയുടെ അധിക ചുമതല നല്‍കും.
പുതുതായി ഐ.എ.എസ് ലഭിച്ച ഒന്‍പതു പേര്‍ക്ക് പുതിയ നിയമനങ്ങളായി. എസ്. ഷാനവാസിനെ ലോട്ടറീസ് വകുപ്പ് ഡയറക്ടറായി നിയമിക്കും.ബി. അബ്ദുല്‍ നാസറിനെ എന്‍ട്രന്‍സ് എക്‌സാമിനേഷന്‍സ് കമ്മിഷണറായി നിയമിക്കും. ഡോ. ഡി. സജിത് ബാബുവിനെ അസാപ് സി.ഇ.ഒ ആയി നിയമിക്കും.ടി.വിസുബാഷിനെ വിവര പൊതുജന സമ്പര്‍ക്ക വകുപ്പ് ഡയറക്ടറായും എം. അഞ്ജനയെ ചീഫ് സെക്രട്ടറിയുടെ എക്‌സിക്യൂട്ടീവ് അസിസ്റ്റന്റായുംനിയമിക്കും. ഡോ. പി.കെ ജയശ്രീയെ വിദ്യാഭ്യാസ മിഷന്‍ സി.ഇ.ഒ സ്ഥാനത്തും ഷീബ ജോര്‍ജിനെ വനിത-ശിശു വികസന വകുപ്പ് ഡയറക്ടറായും നിയമിക്കും.