മാഡ്രിഡ്: റയല്‍ മാഡ്രിഡ് താരം ഡാനി കാര്‍വജലിനെതിരേ യുവേഫയുടെ അച്ചടക്ക നടപടി. താരത്തിന് ഒരു മത്സരത്തിന് വിലക്ക് നേരിടേണ്ടി വരും.
അപോയലിനെതിരായ യുവേഫ ചാംപ്യന്‍സ് ലീഗ് മത്സരത്തിനിടെ 90ാം മിനുട്ടില്‍ ലഭിച്ച ത്രോ എടുക്കുന്നതില്‍ പിഴവ് വരുത്തിയതിനാണ് താരത്തിനെതിരേ നടപടി. പന്ത് കൈവശം വച്ച് ത്രോ വൈകിപ്പിച്ച് സമയം കളഞ്ഞതിനെ തുടര്‍ന്ന് താരത്തിനെതിരേ റഫറി മഞ്ഞ കാര്‍ഡ് കാണിച്ചിരുന്നു. ഗ്രൂപ്പ് ഘട്ട പോരാട്ടത്തില്‍ മൂന്നാം മഞ്ഞ കാര്‍ഡ് കണ്ടതോടെയാണ് കാര്‍വജലിനെതിരേ നടപടി സ്വീകരിക്കാന്‍ യുവേഫ അച്ചടക്ക സമിതി തീരുമാനിച്ചിരിക്കുന്നത്. ഡിസംബര്‍ ആറിന് ബൊറൂസിയ ഡോര്‍ട്മുണ്ടിനെതിരായ പോരാട്ടത്തില്‍ ഇതോടെ കാര്‍വജലിന് കളിക്കാന്‍ സാധിക്കില്ല.