മലപ്പുറം: റിപ്പബ്ലിക്ക് ദിനമായ ജനുവരി 26 ന് എസ്.കെ.എസ്.എസ്.എഫ്. സംസ്ഥാന വ്യാപകമായി സംഘടിപ്പിക്കുന്ന മനുഷ്യജാലിക ജില്ലയിലെ വളാഞ്ചേരി, അരീക്കോട് എന്നിവിടങ്ങളില്‍ നടക്കും. രാഷ്ട്രരക്ഷയ്ക്ക് സൗഹൃദത്തിന്റെ കരുതല്‍ എന്ന പ്രമേയവുമായാണ് വര്‍ഷം തോറും മനുഷ്യജാലിക സംഘടിപ്പിക്കുന്നത്. തിരൂര്‍ക്കാട് അന്‍വാറുല്‍ ഇസ്‌ലാം ഇംഗ്ലീഷ് സ്‌കൂളില്‍ മനുഷ്യജാലികയുടെ പ്രഖ്യാപനം സമസ്ത കേരള ജംഇയ്യത്തുല്‍ ഉലമാ ജന:സെക്രട്ടറി പ്രഫ.കെ ആലിക്കുട്ടിമുസ്‌ലിയാര്‍ നിര്‍വഹിച്ചു. ശമീര്‍ ഫൈസി ഒടമല അധ്യക്ഷനായി. നിയാസലി ശിഹാബ് തങ്ങള്‍, ശഹീര്‍ അന്‍വരി പുറങ്ങ്, ഫാറൂഖ് കരിപ്പൂര്‍, സമീര്‍ ഫൈസി പുത്തനങ്ങാടി, ആസിഫ് മാരാമുറ്റം, ജഅ്ഫര്‍ ഫൈസി പഴമള്ളൂര്‍ സംസാരിച്ചു.