കോഴിക്കോട്: മലബാര്‍ ഗ്രൂപ്പ് ചെയര്‍മാന്‍ എം.പി അഹമ്മദിനെ 2017ലെ ഏഷ്യയിലെ ബിസിനസ് ലീഡറായി ദി ഇക്കണോമിക്‌സ് ടൈംസ് ദിനപത്രം തെരഞ്ഞെടുത്തു. വന്‍കിട കോര്‍പ്പറേറ്റ് സാരഥികള്‍ക്കൊപ്പം സ്വര്‍ണ-വജ്ര വ്യാപാര മേഖലയില്‍ നിന്നാണ് തെരഞ്ഞെടുപ്പ്. കേരളത്തില്‍ നിന്ന് ഇദ്ദേഹം മാത്രമാണ് പട്ടികയിലുള്ളത്.
ക്വാലാലംപൂരില്‍ പ്രമുഖ ബിസിനസ് സാരഥികളും നേതാക്കളും പങ്കെടുത്ത ദി ഇക്കണോമിക്‌സ് ടൈംസ് ഏഷ്യന്‍ ബിസിനസ് ലീഡേഴ്‌സ് കോണ്‍ക്ലേവിലായിരുന്നു പ്രഖ്യാപനം. വിവിധ മേഖലകളില്‍ നിന്ന് തെരഞ്ഞെടുക്കപ്പെട്ടവര്‍ ഉള്‍പ്പെട്ട എക്‌സ്‌ക്ലൂസീവ് കോഫി ടേബിള്‍ ബുക്കും പുറത്തിറക്കും.
വാണിജ്യ- വ്യവസായ മേഖലയില്‍ വളര്‍ച്ച കൈവരിക്കുന്നതോടൊപ്പം താഴെതട്ടിലുള്ളവരുടെ ഉന്നമനത്തിനായി ഒട്ടേറെ പദ്ധതികള്‍ എം.പി അഹമ്മദ് ചെയര്‍മാനായ മലബാര്‍ ഗ്രൂപ്പ് നടപ്പാക്കുന്നുണ്ട്.