ന്യൂഡല്‍ഹി: ബംഗളൂരു എഫ്.സി ഗോള്‍ കീപ്പര്‍ ഗുര്‍പ്രീത് സിങ് സന്ധുവിന് രണ്ട് ഐ.എസ്.എല്‍ മത്സരങ്ങളില്‍ വിലക്ക്. എഫ്.സി ഗോവയ്‌ക്കെതിരായ മത്സരത്തിനിടെ ഗുര്‍പ്രീതിന് നേരിട്ട് ചുവപ്പ് കാര്‍ഡ് കിട്ടി പുറത്തുപോകേണ്ടി വന്നിരുന്നു.
എതിര്‍ താരം മാനുവല്‍ ലാന്‍സറോട്ടയുമായി ഗുര്‍പ്രീത് വാക്കേറ്റം നടത്തിയതിനെ തുടര്‍ന്ന് അഖിലേന്ത്യ ഫുട്‌ബോള്‍ ഫെഡറേഷന്‍ അച്ചടക്ക സമിതിയാണ് നടപടി പ്രഖ്യാപിച്ചത്. രണ്ട് മത്സരങ്ങളില്‍ വിലക്കും ഒപ്പം മൂന്ന് ലക്ഷം രൂപ പിഴയും വിധിച്ചിട്ടുണ്ട്.
ബംഗളൂരുവിന്റെ രണ്ട് എവേ മത്സരങ്ങളില്‍ താരം പുറത്തിരിക്കേണ്ടി വരും.
നോര്‍ത്ത്ഈസ്റ്റ് യുനൈറ്റഡ്, എഫ്.സി പൂനെ സിറ്റി ടീമുകള്‍ക്കെതിരായ മത്സരങ്ങളാണ് ഗുര്‍പ്രീതിന് നഷ്ടമാകുക.