കണ്ണൂര്‍: വിദ്യാലയങ്ങളില്‍ സൗജന്യമായി പത്രം എത്തിക്കുന്ന സുപ്രഭാതം ദിനപത്രത്തിന്റെ പദ്ധതിയായ സ്‌നേഹപൂര്‍വം സുപ്രഭാതം അവാര്‍ഡ് സമ്മാനിച്ചു. ജില്ലയില്‍ ഏറ്റവും കൂടുതല്‍ സ്‌കൂളുകളില്‍ പദ്ധതി നടപ്പാക്കിയ ഇരിട്ടി ലേഖകന്‍ ഇബ്രാഹിംകുട്ടി വള്ളിത്തോട്, ചെറുപുഴ ലേഖകന്‍ മനോജ് ചെറുപുഴ എന്നിവര്‍ക്കു പ്രവാസി വ്യവസായി മണിയപ്പള്ളി ആബൂട്ടി ഹാജിയാണ് അവാര്‍ഡ് നല്‍കിയത്. പരിപാടി മുസ്തഫ മുണ്ടുപാറ ഉദ്ഘാടനം ചെയ്തു. അഹ്മദ് തേര്‍ളായി അധ്യക്ഷനായി. എക്‌സിക്യൂട്ടിവ് എഡിറ്റര്‍ എ സജീവന്‍, വേങ്ങാട് ഉസ്മാന്‍ ഹാജി, കെ.പി മുഹമ്മദ് ഹാജി ഓടക്കാട്, അബ്ദുസമദ് മുട്ടം, മുഹമ്മദ് ഷരീഫ്, ഷിജിത്ത് കാട്ടൂര്‍, സലാം പൊയനാട്, മൊയ്തു ചെര്‍ക്കള സംസാരിച്ചു.