നീലേശ്വരം: കായിക പ്രേമികളുടെ ചിരകാല സ്വപ്നമായിരുന്ന നീലേശ്വരം ഇ.എം.എസ് സ്റ്റേഡിയം ഒടുവില്‍ യാഥാര്‍ഥ്യത്തിലേക്ക്. വിവിധ ഇനങ്ങളില്‍ നിരവധി കായിക താരങ്ങളെ സംഭാവന ചെയ്ത നീലേശ്വരത്ത് പരിശീലനത്തിനായി മികച്ച സൗകര്യങ്ങളൊന്നും ഉണ്ടായിരുന്നില്ല. രാജാസ് മൈതാനി, ചിറപ്പുറം നഗരസഭാ മൈതാനി എന്നിവയായിരുന്നു ഏകആശ്രയം.ട്രാക്കിനും ഫീല്‍ഡിനും ഒരുപോലെ പ്രാധാന്യം നല്‍കിയാണ് ഇ.എം.എസ് സ്റ്റേഡിയം പണിയുന്നത്. ഇതിനായി അഞ്ചുകോടി രൂപ സര്‍ക്കാര്‍ അനുവദിച്ചിട്ടുണ്ട്. പുത്തരിയടുക്കത്ത് ബ്ലോക്ക് ഓഫിസിനു മുന്‍വശത്താണ് ഇതിനായി സ്ഥലം കണ്ടെത്തിയിരിക്കുന്നത്. നിര്‍മാണ സഹായ കമ്മിറ്റി രൂപീകരിച്ച് പ്രവര്‍ത്തനം ഊര്‍ജിതമായി നടന്നുവരുകയാണ്.