കോയമ്പത്തൂര്‍: രാജീവ് ഗാന്ധി വധക്കേസില്‍ ജീവപര്യന്തം തടവിന് ശിക്ഷിക്കപ്പെട്ട പേരറിവാളനെ ചെന്നൈ സെന്‍ട്രല്‍ ജയിലിലേക്ക് മാറ്റും. ഇപ്പോള്‍ വെല്ലൂര്‍ സെന്‍ട്രല്‍ ജയിലിലാണ് അദ്ദേഹം. വൃക്ക രോഗത്തെ തുടര്‍ന്ന് പേരറിവാളന്‍ ചെന്നൈ മെഡിക്കല്‍ കോളജില്‍ ചികിത്സയിലാണ്.
വെല്ലൂരില്‍ നിന്ന് ചികിത്സക്കായി ചെന്നൈയിലേക്ക് കൊണ്ടുവരുന്നത് അദ്ദേഹത്തിന്റെ ആരോഗ്യ സ്ഥിതിയെ ഗുരുതരമായി ബാധിക്കുമെന്ന് കണ്ടാണ് ചെന്നൈ ജയിലിലേക്ക് മാറ്റാന്‍ തീരുമാനിച്ചത്. ഇതുസംബന്ധിച്ച് പേരറിവാളന്‍ ജയില്‍ ഡി.ജി.പി, ആഭ്യന്തര സെക്രട്ടറി എന്നിവര്‍ക്ക് നിവേദനം നല്‍കിയിരുന്നു. ഇതേതുടര്‍ന്നാണ് അദ്ദേഹത്തെ ജയില്‍ മാറ്റാന്‍ തീരുമാനിച്ചത്.