തൃശൂര്‍: ജിഷയുടെ കൊലയാളി അമീറിനെ വിയ്യൂര്‍ സെന്‍ട്രല്‍ ജയിലിലേക്ക് മാറ്റി. ഇന്നലെ വൈകിട്ട് നാലോടെ കനത്ത സുരക്ഷാ വലയത്തിലാണു അമീറിനെ വിയ്യൂരില്‍ എത്തിച്ചത്. നീല ജീന്‍സും ചാരനിറത്തിലുള്ള ഷര്‍ട്ടും ധരിച്ച് എത്തിയ പ്രതി കനത്ത ദുഃഖത്തോടുകൂടിയാണ് പൊലിസ് വാഹനത്തില്‍നിന്ന് ഇറങ്ങിയത്. വിധിയെ സംബന്ധിച്ചുള്ള ഇയാളുടെ പ്രതികരണം മാധ്യമ പ്രവര്‍ത്തകര്‍ ചോദിച്ചെങ്കിലും പൊലിസ് അതിനനുവദിക്കാതെ അതിവേഗം ജയിലിലേക്ക് കൊണ്ടുപോയി. ജയിലില്‍ ബ്ലോക്ക് സിയില്‍ രണ്ടാമത്തെ സെല്ലില്‍ 3898 എന്ന നമ്പറുകാരനായിരിക്കും ഇനി അമീര്‍.