വാഷിങ്ടണ്‍: ഉത്തര കൊറിയയുടെ ഭൂഖണ്ഡാന്തര മിസൈലുകള്‍ക്ക് അമേരിക്കയെ ആക്രമിക്കാനാകുമെന്നു കരുതുന്നില്ലെന്ന് യു.എസ് പ്രതിരോധ സെക്രട്ടറി ജിം മാറ്റിസ്. നവംബറില്‍ ഉ.കൊറിയ പരീക്ഷിച്ച ഭൂഖണ്ഡാന്തര മിസൈല്‍ ഇതുവരെ തങ്ങള്‍ക്ക് ഒരു തരത്തിലുമുള്ള ഭീഷണി ഉയര്‍ത്തിയിട്ടില്ലെന്നും അദ്ദേഹം പറഞ്ഞു.പെന്റഗണില്‍ ചേര്‍ന്ന പ്രതിരോധ യോഗത്തിന്റെ വിശദാംശങ്ങള്‍ മാധ്യമങ്ങള്‍ക്കു മുന്നില്‍ വിശദീകരിക്കുകയായിരുന്നു മാറ്റിസ്. മേഖലയിലെ സ്ഥിതിഗതികള്‍ അമേരിക്ക നിരീക്ഷിച്ചുകൊണ്ടിരിക്കുകയാണ്. മിസൈല്‍ പരീക്ഷണത്തെ കുറിച്ച് ഫോറന്‍സിക് പഠനങ്ങളും നടക്കുന്നുണ്ട്. ഇതിന്റെ വിശദമായ വിശകലനം പുറത്തുവരാന്‍ സമയമെടുക്കും-മാറ്റിസ് പറഞ്ഞു. നവംബര്‍ 28നാണ് ഉ.കൊറിയ ഭൂഖണ്ഡാന്തര മിസൈലായ ഹ്വാസാങ്ങ്-15പരീക്ഷിച്ചത്.