കാബൂള്‍: അഫ്ഗാന്‍ ഇന്റലിജന്‍സ് ഏജന്‍സി പരിസരത്തുണ്ടായ ചാവേര്‍ ആക്രമണത്തില്‍ അഞ്ചു പേര്‍ കൊല്ലപ്പെട്ടു. മൂന്നു പേര്‍ക്ക് പരുക്കേറ്റിട്ടുണ്ട്.

ഏജന്‍സി ഓഫിസ് പരിസരത്തെ പ്രവേശന കവാടത്തില്‍ എത്തിയ ചാവേര്‍ പൊട്ടിത്തെറിക്കുകയായിരുന്നു. സ്‌ഫോടനത്തിന്റെ ഉത്തവാദിത്തം ഐ.എസ് ഏറ്റെടുത്തു.

അഫ്ഗാനിലെ ദേശീയ സുരക്ഷാ പരിശീലന കേന്ദ്രത്തിനു നേരെ ആക്രമണം നടന്ന് ഒരാഴ്ചയ്ക്ക് ശേഷമാണ് അഞ്ചു പേരുടെ മരണത്തിനിടയാക്കിയ സ്‌ഫോടനം നടന്നത്.
മണിക്കൂറുകള്‍ നീണ്ട വെടിവെപ്പിനൊടുവിലാണ് അന്നു രണ്ടു ഭീകരരെ സുരക്ഷാ സേന വധിച്ചത്.