ആലപ്പുഴ: ഹൈദരാബാദില്‍ നടന്ന ദേശീയ സ്‌കൂള്‍ ഗെയിംസ് ഭാരോദ്വഹന മത്സരത്തില്‍ പങ്കെടുത്ത കേരള ടീം തുടര്‍ച്ചയായ രണ്ടാം വര്‍ഷവും ഓവറോള്‍ കിരീടം കരസ്ഥമാക്കി. ആണ്‍കുട്ടികളുടെ വിഭാഗത്തിലും പെണ്‍കുട്ടികളുടെ വിഭാഗത്തിലും ചാംപ്യന്‍ഷിപ്പ് കരസ്ഥമാക്കിയാണ് കേരളത്തിന്റെ കിരീട നേട്ടം. ആകെ ഒന്‍പത് സ്വര്‍ണവും നാല് വെള്ളിയും നാല് വെങ്കലവും കേരളം സ്വന്തമാക്കി. ആലപ്പുഴയുടെ ഭാഗ്യലക്ഷ്മിയെ സ്‌ട്രോങ് വുമണ്‍ ഓഫ് സ്‌കൂള്‍ ഗെയിംസ് നാഷണല്‍ ആയി തിരഞ്ഞെടുക്കപ്പെട്ടു.
സ്വര്‍ണം നേടിയവര്‍: അലീനാ ജോസഫ് (ആലപ്പുഴ), സോനാ കുഞ്ഞുമോന്‍ (ആലപ്പുഴ), ഭാഗ്യലക്ഷ്മി (ആലപ്പുഴ), എം മന്‍സി (തിരുവനന്തപുരം), എ അജീഷ (ആലപ്പുഴ), നവ്യ പ്രസാദ് (ആലപ്പുഴ), ബിജിന്‍ സങ്കി (തിരുവനന്തപുരം), അനക്‌സ് റോണ്‍ ഫിലിപ്പ് (കണ്ണൂര്‍), ദിലീപ് ദീപക് റാവു (കോഴിക്കോട്). വെള്ളി നേടിയവര്‍: സെലസ്റ്റിന റെബല്ലോ (എറണാകുളം), സിദ്ധന്‍ ജിമ്മി (ആലപ്പുഴ), അനന്തു കൃഷ്ണ (ആലപ്പുഴ), സുല്‍ഫിക്കര്‍ എസ് (ആലപ്പുഴ). വെങ്കലം: രേഷ്മ ആര്‍ (തിരുവനന്തപുരം), അശ്വിന്‍ വി.ബി (എറണാകുളം), അഭിജിത് എസ് (ആലപ്പുഴ), വിഷ്ണു മോഹന്‍ (തിരുവനന്തപുരം).