ന്യൂയോര്‍ക്ക്: അമേരിക്കയില്‍ ജനവാസ കേന്ദ്രത്തിലുണ്ടായ തീപിടിത്തത്തില്‍ നാലു കുട്ടികളുള്‍പ്പെടെ 12 പേര്‍ മരിച്ചു. 15 പേര്‍ക്ക് ഗുരുതരമായി പരുക്കേറ്റു. ന്യൂയോര്‍ക്കിലെ ബ്രോണ്‍ക്‌സ് ബോറോയില്‍ വ്യാഴാഴ്ച പ്രദേശിക സമയം 7.30 ഓടെയാണ് സംഭവം. നാലു നില കെട്ടിടത്തിന്റെ ഒന്നാം നിലയില്‍ നിന്നാണ് തീപിടിത്തം ആരംഭിച്ചതെന്നും കാരണമെന്തന്ന് വ്യക്തമായിട്ടില്ലെന്നും ന്യൂയോര്‍ക്ക് പൊലിസ് പറഞ്ഞു.
ശക്തമായി തണുപ്പാണ് അപകടത്തില്‍ നിന്ന് രക്ഷപ്പെടാന്‍ സാധിക്കാതിരുന്നത്. 25 വര്‍ഷത്തിനിടെ ബ്രോണ്‍ക്‌സില്‍ നടക്കുന്ന ഏറ്റവും വലിയ അപകടമാണിതെന്നും സ്ഥിതിഗതികള്‍ നിയന്ത്രണ വിധേയമാണെന്നും ന്യൂയോര്‍ക്ക് മേയര്‍ ബില്‍ ഡേ ബ്ലാസിയോ പറഞ്ഞു. 12 പേരെ അഗ്നി ശമന സേന രക്ഷപ്പെടത്തി. മരിച്ചവരില്‍ ഒന്നു മുതല്‍ അന്‍പത് വയസു വരെയുള്ളവരുണ്ടെന്ന് അദ്ദേഹം പറഞ്ഞു.