ഭാരത് ഇലക്ട്രോണിക്‌സില്‍ വിവിധ അസിസ്റ്റന്റ് നിയമനങ്ങള്‍; ഒരു ലക്ഷത്തിനടുത്ത് ശമ്പളം നേടാന്‍ അവസരം; ഇപ്പോള്‍ അപേക്ഷിക്കാം

കേന്ദ്ര സര്‍ക്കാരിന് കീഴില്‍ ജോലി നേടാന്‍ ആഗ്രഹിക്കുന്നവര്‍ക്ക് സുവര്‍ണ്ണാവസരം. ഭാരത് ഇലക്ട്രോണിക്‌സ് കമ്പനിക്ക് കീഴില്‍ എഞ്ചിനീയറിങ് അസിസ്റ്റന്റ് ട്രെയ്‌നി, ടെക്‌നീഷ്യന്‍ തസ്തികകളിലേക്ക് നിയമനം നടത്തുന്നതിന് യോഗ്യരായ ഉദ്യോഗാര്‍ഥികളില്‍ നിന്നും അപേക്ഷ ക്ഷണിച്ചു. എസ്.എസ്.എല്‍.സി മുതല്‍ യോഗ്യതയുള്ളവര്‍ക്കാണ് അവസരം. ജനുവരി 31 വരെ അപേക്ഷിക്കാം.

തസ്തിക& ഒഴിവ്
ഭാരത് ഇലക്ട്രോണിക്‌സ് കമ്പനിയില്‍ എഞ്ചിനീയറിങ് അസിസ്്റ്റന്റ് ട്രെയ്‌നി, ടെക്‌നീഷ്യന്‍ റിക്രൂട്ട്‌മെന്റ്. ആകെ 46 ഒഴിവുകള്‍.

എഞ്ചിനീയറിങ് അസിസ്റ്റന്റ് ട്രെയ്‌നി
ഇലക്ട്രോണിക്‌സ് 07, ഇലക്ട്രിക്കല്‍ 03, മെക്കാനിക്കല്‍ 12 എന്നിങ്ങനെയാണ് ഒഴിവുകള്‍.

ടെക്‌നീഷ്യന്‍ 'സി'
ഇലക്ട്രോണിക്‌സ് മെക്കാനിക്ക് 12, ഇലക്ട്രിക്കല്‍ 02, ഫിറ്റര്‍ 10 എന്നിങ്ങനെയാണ് ഒഴിവുകള്‍.

പ്രായപരിധി
രണ്ട് തസ്തികകളിലും 18 മുതല്‍ 28 വയസ് വരെ പ്രായമുള്ളവര്‍ക്ക് അപേക്ഷിക്കാം.

യോഗ്യത
എഞ്ചിനീയറിങ് അസിസ്റ്റന്റ് ട്രെയിനി തസ്തികയിലേക്ക് 3 വര്‍ഷത്തെ എഞ്ചിനീയറിങ് ഡിപ്ലോമയാണ് യോഗ്യത.

ടെക്‌നീഷ്യന്‍ സി പോസ്റ്റിലേക്ക് എസ്.എസ്.എല്‍.സി, ഐ.ടി.ഐ എന്നിവയോടൊപ്പം ഒരു വര്‍ഷത്തെ അപ്രന്റീസ്ഷിപ്പ് സര്‍ട്ടിഫിക്കറ്റും ഉള്ളവര്‍ക്ക് അപേക്ഷിക്കാം.

അപേക്ഷ ഫീസ്
ജനറല്‍, ഒബിസി, ഇഡബ്ല്യൂഎസ് വിഭാഗക്കാര്‍ക്ക് 250 രൂപ അപേക്ഷ ഫീസുണ്ട്. മറ്റ് വിഭാഗക്കാര്‍ ഫീസടക്കേണ്ടതില്ല.

ശമ്പളം
എഞ്ചിനീയറിങ് അസിസ്റ്റന്റ് ട്രെയ്‌നി തസ്തികയില്‍ 24,500 രൂപ മുതല്‍ 90,000 രൂപ സ്‌കെയിലിലാണ് ശമ്പളം.

ടെക്‌നീഷ്യന്‍ സി പോസ്റ്റില്‍ 21,500 രൂപ മുതല്‍ 82,000 രൂപ വരെയാണ് ശമ്പള സ്‌കെയില്‍.

അപേക്ഷ
താല്‍പര്യമുള്ള ഉദ്യോഗാര്‍ഥികള്‍ക്ക് വെബ്‌സൈറ്റ് സന്ദര്‍ശിച്ച് അപേക്ഷ നല്‍കാം.

ഔദ്യോഗിക വിജ്ഞാപനം ലഭിക്കുന്നതിനായി ഇവിടെ ക്ലിക് ചെയ്യുക.