'മൂല്യബോധം കുറഞ്ഞ വിലക്ക് വില്‍ക്കാന്‍ പറ്റും' ബാബരി മസ്ജിദിന്റെ ചിത്രം പങ്കുവെച്ച് സംവിധായകന്‍ അമല്‍ നീരദ്

കൊച്ചി: അയോധ്യ രാമക്ഷേത്ര പ്രതിഷ്ഠയുമായി ബന്ധപ്പെട്ട് തന്റെ നിലപാട് സംവിധായകന്‍ അമല്‍ നീരദും. ബാബരി മസ്ജിദിന്റെ ചിത്രം പങ്കുവെച്ചാണ് അദ്ദേഹം തന്റെ നിലപാട് വ്യക്തമാക്കുന്നത്. 'മൂല്യബോധം കുറഞ്ഞ വിലക്ക് വില്‍ക്കാന്‍ പറ്റും. പക്ഷേ അതു മാത്രമാണ് ശരിക്കും നമുക്ക് സ്വന്തമായുള്ളത്. അതു മാത്രമായിക്കും നമ്മിലവശേഷിക്കുന്നത്. പക്ഷേ, ആ ബോധ്യത്തിനുള്ളില്‍ നമ്മള്‍ സ്വതന്ത്രരാണ്' ചിത്രത്തിനൊപ്പം അമല്‍ കുറിച്ചു. 'വി ഫോര്‍ വെണ്ടേറ്റ' സിനിമയിലെ കഥാകൃത്തായ അലന്‍ മൂറിന്റെ വരികളാണ് അമല്‍ നീരദ് പങ്കുവെച്ചത്.

അയോധ്യ പ്രതിഷ്ഠയുടെ പശ്ചാത്തലത്തില്‍ സമൂഹ മാധ്യമങ്ങളില്‍ ഭരണഘടനയുടെ ആമുഖം പങ്കുവെച്ചും പ്രതികരിച്ചും സിനിമ താരങ്ങള്‍ ഉള്‍പ്പെടെ നിരവധി പേര്‍ രംഗത്തെത്തിയിരുന്നുനടിമാരായ പാര്‍വതി തിരുവോത്ത്, റിമ കല്ലിങ്കല്‍, കനി കുസൃതി, ദിവ്യപ്രഭ, സംവിധായകരായ ആഷിഖ് അബു, ജിയോ ബേബി, കമല്‍ കെ.എം, ഗായകരായ സൂരജ് സന്തോഷ്, രശ്മി സതീഷ് തുടങ്ങിയവരാണ് കഴിഞ്ഞ ദിവസം പ്രതികരണവുമായി രംഗത്തെത്തിയിരുന്നത്.

പോസ്റ്റുകള്‍ക്ക് താഴെ കമന്റുകളുമായും ശ്രീരാമ വിഗ്രഹത്തിന്റെ ചിത്രങ്ങളുമായും സംഘ്പരിവാര്‍ അണികള്‍ രംഗത്തെത്തിയിട്ടുണ്ട്.