കുവൈത്ത് സിറ്റി: കുവൈത്തിൽ കമ്പനികളുടെ വർക്ക് പെർമിറ്റ് നൽകുന്നതിനുള്ള നടപടിക്രമങ്ങളിൽ ഭേദഗതി വരുത്തി പബ്ലിക് അതോറിറ്റി ഫോർ മാൻപവർ (പാം). മന്ത്രിസഭാ പ്രമേയം നമ്പർ 1/2025 പ്രകാരം ഒന്നാം ഉപപ്രധാനമന്ത്രിയും ആഭ്യന്തരമന്ത്രിയുമായ ഷെയ്ഖ് ഫഹദ് യൂസഫ് അൽ സഊദ് അൽ സബാഹ് ആണ് ഉത്തരവ് പുറപ്പെടുവിച്ചത്.

പബ്ലിക് അതോറിറ്റി ഫോർ മാൻപവർ വിലക്ക് ഏർപ്പെടുത്തിയിട്ടുള്ള സ്‌ഥാപനങ്ങളുടെ ഉടമയെയോ ഡയറക്‌ടറെയോ, അംഗീകൃത ഉദ്യോഗസ്ഥരെയോ പുതിയ സ്‌ഥാപനങ്ങൾ തുടങ്ങാൻ അനുവദിക്കില്ല. നിലവിൽ എന്ത് കാരണത്താലാണോ പാം വിലക്ക് ഏർപ്പെടുത്തിയിരിക്കുന്നത്  ആ വിലക്ക് നിയമപരമായി പരിഹരിച്ചാൽ മാത്രമേ ഇവർക്ക് പുതിയ സ്ഥാപനങ്ങൾ ആരംഭിക്കാൻ സാധിക്കുകയുള്ളു.

കാലഹരണപ്പെട്ട ലൈസൻസുകൾ കമ്പനി ഫയലിൽ രജിസ്‌റ്റർ ചെയ്യുക. കമ്പനിയുടെ മേൽവിലാസവും തൊഴിലാളികളുടെ എണ്ണവും കൃത്യമായി രേഖപ്പെടുത്താതിരിക്കുക തുടങ്ങിയ സാഹചര്യങ്ങളിലാണ് ഫയലുകൾ മരവിപ്പിക്കുന്നതെന്ന് പാം വക്‌താവ്‌ മുഹമ്മദ് അൽമുസൈനി ചൂണ്ടിക്കാട്ടി.

Kuwait has made amendments to its procedures for issuing work permits, particularly for engineering professionals