ന്യൂഡല്‍ഹി:ശ്രീശ്രീ രവിശങ്കറിെന്റ ആര്‍ട് ഓഫ് ലിവിങ് സംഘടിപ്പിച്ച ലോക സാംസ്‌കാരികോത്സവം യമുനാതീരം പൂര്‍ണമായി നശിപ്പിച്ചെന്ന് വിദഗ്ധസമിതി. ദേശീയ ഹരിത ട്രൈബ്യൂണല്‍ നിയമിച്ച വിദഗ്ധ സമിതിയുടേതാണ് കണ്ടെത്തല്‍. യമുനാ നദീതീരം പൂര്‍ണമായും നശിപ്പിച്ചതായി കേന്ദ്ര ജലവിഭവ സെക്രട്ടറി ശശി ശേഖര്‍ അധ്യക്ഷനായുള്ള ഏഴംഗ വിദഗ്ധസമിതി ട്രൈബൂണല്‍ മുമ്പാകെ അറിയിച്ചു.

ഡി.എന്‍.ഡി. മേല്‍പ്പാലം മുതല്‍ ബാരാമുള്ള ഡ്രെയിന്‍ വരെയുള്ള യമുനാതീരം പൂര്‍ണമായും നശിച്ചു. യമുനാ തീരം ഇടിച്ചു നിരപ്പാക്കി. കഠിനമായി ഉറപ്പിച്ചു. എല്ലാ വിഭാഗം ജീവജാലങ്ങളേയും സസ്യങ്ങളേയും നശിപ്പിച്ചതായും 47 പേജടങ്ങുന്ന റിപ്പോര്‍ട്ടില്‍ പറയുന്നു.