കോഴിക്കോട് :സമ്മേളനത്തിന്റെ ഭാഗമായി നടക്കുന്ന പ്രതിനിധി ക്യാമ്പ് ശനിയാഴ്ച രാവിലെ 9 മണി മുതല്‍ എരഞ്ഞിപ്പാലം കാലിക്കറ്റ് ട്രേഡ് സെന്ററില്‍ സജ്ജമാക്കിയ 'സ്വത്വം' നഗരിയില്‍ നടക്കും.സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് പ്രസിഡന്റ് പി കെ മൂസക്കുട്ടി ഹസ്‌റത്ത് ഉദ്ഘാടനം ചെയ്യും. പാണക്കാട് സയ്യിദ് അബ്ബാസലി ശിഹാബ് തങ്ങള്‍ അധ്യക്ഷനാകും. മൗലാനാ അബ്ദുല്‍ മതീന്‍ സാഹിബ് വെസ്റ്റ് ബംഗാള്‍ മുഖ്യാതിഥിയായി പങ്കെടുക്കും. അഡ്വ. ടി സിദ്ദീഖ് എംഎല്‍എ, അഡ്വ. പി ടിഎ റഹീം എംഎല്‍എ, മുഹമ്മദ് മുദ്ദസില്‍ വെസ്റ്റ് ബംഗാള്‍ പ്രസംഗിക്കും.

പ്രതിനിധി സമ്മേളനത്തിന്റെ വിവിധ സെഷനുകളിലായി 'പ്രബോധകന്റെ ദൗത്യം ' ഡോ.സാലിം ഫൈസി കൊളത്തൂരും 'സൈബര്‍ സാക്ഷരത' സിംസാറുല്‍ ഹഖ് ഹുദവിയും അവതരിപ്പിക്കും.ഉച്ചക്ക് ശേഷം നടക്കുന്ന സ്വത്വ വിചാരം പാനല്‍ ചര്‍ച്ചയില്‍ ശുഐബുല്‍ ഹൈതമി വാരാമ്പറ്റ, മുഹമ്മദ് ഫാരിസ് പി യു , അബ്ദുല്ല മുജ്തബ ഫൈസി ആനക്കര, മുസ്തഫ ഹുദവി അരൂര്‍ വിഷയങ്ങള്‍ അവതരിപ്പിക്കും.
അബ്ദുറഹ്മാന്‍ മുസ്‌ലിയാര്‍ കൊടക്, പി ഉബൈദുല്ല എംഎല്‍എ,അഡ്വ. എന്‍ ശംസുദ്ദീന്‍ എംഎല്‍എ പ്രസംഗിക്കും.

വൈകുന്നേരം 7 മണിക്ക് നടക്കുന്ന സമര്‍പ്പണം സെഷനില്‍ 35 സംഘടന പ്രഭാഷകരെയും ഇസ്തിഖാമ ആദര്‍ശ പ്രഭാഷകരെയും സമര്‍പ്പിക്കും.സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം ടി അബ്ദുല്ല മുസ്‌ലിയാര്‍ ഉദ്ഘാടനം ചെയ്യും.അബ്ദുല്‍ ഹമീദ് ഫൈസി അമ്പലക്കടവ് അധ്യക്ഷനാകും.

രാത്രി എട്ടിന് നടക്കുന്ന കര്‍മ്മവിചാരം പാനല്‍ ചര്‍ച്ചയില്‍ 'നമ്മുടെ കര്‍മ്മരംഗം ' എന്ന വിഷയത്തില്‍ മുസ്തഫ മുണ്ടുപാറ, ശാഹുല്‍ ഹമീദ് മേല്‍മുറി, നാസര്‍ ഫൈസി കൂടത്തായി, ഓണംപിള്ളി മുഹമ്മദ് ഫൈസി, സത്താര്‍ പന്തല്ലൂര്‍, അസ്‌ലം ഫൈസി ബാംഗ്ലൂര്‍ സംസാരിക്കും. എസ് വി മുഹമ്മദലി മാസ്റ്റര്‍ മോഡറേറ്ററാകും.

9 മണിക്ക് നടക്കുന്ന നേര്‍ധാര സെഷനില്‍ 'അഹ് ലുസ്സുന്ന ' എം ടി അബൂബക്കര്‍ ദാരിമിയും 'അഹ് ലുല്‍ബിദ്അ' മുസ്തഫ അശ്‌റഫി കക്കുപ്പടിയും അവതരിപ്പിക്കും.