കാസര്‍കോട്: സ്വാതന്ത്ര്യ ദിനത്തോടനുബന്ധിച്ച് കേന്ദ്ര സര്‍വകലാശാലയിലെ താല്‍ക്കാലിക ജീവനക്കാരുടെ കൂട്ടായ്മയായ സാന്ത്വനം ചാരിറ്റബിള്‍ ട്രസ്റ്റിന്റെ നേതൃത്വത്തില്‍ 'രക്തദാനം മഹാദാനം' എന്ന സന്ദേശവുമായി ജില്ലാ ഹോസ്പിറ്റല്‍ ബ്ലഡ് ബാങ്കിന്റെ സഹകരണത്തോടെ സംഘടിപ്പിച്ച ഏകദിന രക്തദാന ക്യാംപ് കേന്ദ്ര സര്‍വകലാശാല വൈസ് ചാന്‍സലര്‍ പ്രൊഫ. ജി ഗോപകുമാര്‍ ഉദ്ഘാടനം ചെയ്തു. ബി.കെ പ്രിയേഷ്  അധ്യക്ഷനായി.
രജിസ്ട്രാര്‍ പ്രൊഫ. കെ.പി സുരേഷ് , ഫിനാന്‍സ് ഓഫിസര്‍ ഡോ. കെ ജയപ്രസാദ്, പരീക്ഷാ കണ്‍ട്രോളര്‍ വി ശശിധരന്‍, മാസ്റ്റര്‍ഓഫ് പബ്ലിക്ക ്‌ഹെല്‍ത്ത് ഹെഡ് ഡോ. മധു ഉണ്ണികൃഷ്ണന്‍, ജില്ലാ ഹോസ്പിറ്റല്‍ ബി.ബി.എം.ഒ ഡോ. പി.കെ സംഗീത, പി. ആര്‍ സുമിത്രന്‍,  ജയകൃഷ്ണന്‍ സംസാരിച്ചു