കൊയിലാണ്ടി: ഗവ. വൊക്കേഷനല്‍ ഹയര്‍ സെക്കന്‍ഡറി സ്‌കൂള്‍ സംഘടിപ്പിച്ച സ്‌നേഹപൂര്‍വം പരിപാടി സാഹിത്യകാരി പി. വത്സല ഉദ്ഘാടനം ചെയതു. പൂര്‍വവിദ്യാര്‍ഥികളായ എക്‌സൈസ് തൊഴില്‍ വകുപ്പു മന്ത്രി ടി.പി രാമകൃഷ്ണന്‍, കെ. ദാസന്‍ എം.എല്‍.എ, നഗരസഭാ ചെയര്‍മാന്‍ കെ. സത്യന്‍, ടി.പി ദാസന്‍ എന്നിവര്‍ക്കു ചടങ്ങില്‍ സ്വീകരണം നല്‍കി.
റോട്ടറി ക്ലബിന്റെ സഹായത്തോടെ നിര്‍മിച്ച ഹൈടെക് സ്മാര്‍ട് റൂം ഉദ്ഘാടനം മന്ത്രി നിര്‍വഹിച്ചു. ചടങ്ങില്‍ സ്‌കൂള്‍ എന്‍.എസ്.എസ് യൂനിറ്റ് തയാറാക്കിയ 'ഒരു ദലിതന്റെ സമര സ്മൃതി' ഡോക്യുമെന്ററിയുടെ സി.ഡി മ ന്ത്രി രാമകൃഷ്ണന്‍, കെ. ദാസന്‍ എം.എല്‍.എയ്ക്കു നല്‍കി പ്രകാശനം ചെയ്തു.
പി.ടി.എ പ്രസിഡന്റ് യു.കെ ചന്ദ്രന്‍ അധ്യക്ഷനായി. സ്വാതന്ത്ര്യ സമര സേനാനി പടച്ചോന്‍ തെയ്യോന്‍ മുഖ്യാതിഥിയായി.
കെ. ഷിജു, മങ്ങോട്ടില്‍ സുരേന്ദ്രന്‍, വി.പി ഇബ്രാഹിംകുട്ടി, മുന്‍ എം.എല്‍.എ പി. വിശ്വന്‍, മേജര്‍ അരവിന്ദാക്ഷന്‍, എസ്. ശ്രീജിത്, വായനാരി വിനോദ്, ഇ.എസ് രാജന്‍, സി. സത്യചന്ദ്രന്‍, പ്രധാനാധ്യാപിക വത്സല, പ്രധാനാധ്യാപകന്‍ സി.കെ വാസു, എം.ജി ബല്‍രാജ്, സി. ജയരാജ്, യു. ബിജേഷ്, എന്‍.വി വത്സന്‍ സംസാരിച്ചു.