ഛണ്ഡിഗഡ്
പ്രധാനമന്ത്രിയുടെ സുരക്ഷാ വീഴ്ച പങ്കെടുക്കാനിരുന്ന റാലിയില്‍ ജനങ്ങളാരും എത്താത്തതിനാല്‍ വേദിയിലെ കാലിയായ കസേരകളില്‍ നിന്നും വിഷയം വഴിതിരിക്കാന്‍ ബി.ജെ.പി നടത്തുന്ന നാടകമാണ് പഞ്ചാബ് സര്‍ക്കാരിന്റെ വീഴ്ചയായി ബി.ജെ.പി ഉയര്‍ത്തിപ്പിടിക്കുന്നതെന്ന് പി.സി.സി അധ്യക്ഷന്‍ നവ്ജ്യോത് സിംഗ് സിദ്ദു.
റാലിയില്‍ പങ്കെടുക്കാന്‍ ആരും എത്തിയിരുന്നില്ലെന്ന നാണക്കേട് മറച്ചുപിടിക്കാനാണ് സുരക്ഷാ വീഴ്ച എന്ന വിഷയം ബി.ജെ.പി ഉയര്‍ത്തിക്കൊണ്ട് വരുന്നതെന്നും സിദ്ദു പ്രതികരണത്തില്‍ പറഞ്ഞു.
പ്രധാനമന്ത്രിയുടെ റാലിക്ക് 70000 പേര്‍ എത്തുമെന്ന് പറഞ്ഞതനുസരിച്ച് അതിനുവേണ്ടിയുള്ള കസേരകളെല്ലാം ഒരുക്കിയിരുന്നെന്നും എന്നാല്‍ വെറും 700 പേര്‍ മാത്രമാണ് റാലിയില്‍ എത്തിയതെന്നും പഞ്ചാബ് മുഖ്യമന്ത്രി ചരണ്‍ജിത് സിംഗ് ചന്നി നേരത്തെ പറഞ്ഞിരുന്നു.