മസ്‌കത്ത്: ഒമാനില്‍ കഴിഞ്ഞ മൂന്ന് ദിവസത്തിനുള്ളില്‍ 967 കൊറോണ വൈറസ് കേസുകളും ഒരു മരണവും റിപ്പോര്‍ട്ട് ചെയ്തതായി ആരോഗ്യ മന്ത്രാലയം അറിയിച്ചു.വ്യാഴം 343, വെള്ളി 251, ശനി 373 എന്‍ഇങ്ങനെയാണ് കഴിഞ്ഞ ദിവസങ്ങളില്‍ കോവിഡ് ബാധിച്ചവരുടെ കണക്ക്.

കൊവിഡ് ബാധിച്ച് മരിച്ചവരുടെ എണ്ണം 4118 ആയി. രാജ്യത്ത് ആകെ കോവിഡ് കേസുകളുടെ എണ്ണം 3,07,722 ആയും ഉയര്‍ന്നു.കഴിഞ്ഞ മൂന്ന് ദിവസത്തിനിടെ 298 രോഗികള്‍ സുഖം പ്രാപിച്ചു.97.8 ശതമാനമാണ് രോഗമുക്തിനിരക്ക്.ഇത് വരെ ആകെ 3,00,964 പേര്‍ക്ക് രോഗം ബേദമായി.

മാസങ്ങളുടെ ഇടവേളക്ക് ശേഷം രാജ്യത്ത് കോവിഡ് ബാധിതരുടെ എണ്ണം മൂവായിരത്തിലേക്ക് കടക്കുകയാണ്.നിലവില്‍ 2640 പേരാണ് കോവിഡ് രോഗികളായി കഴിയുന്നത്.ആശുപത്രിയില്‍ പ്രവേശിപ്പി ക്കുന്നവരുടെ എണ്ണവും വര്‍ദ്ദിച്ചിട്ടുണ്ട്.കഴിഞ്ഞ മാസം ദിനേന ഒന്നും രണ്ടും ആളുകളെയായിരുന്നു ആശുപത്രിയില്‍ പ്രവശിച്ചിരുന്നത്.എന്നാല്‍ കഴിഞ്ഞ ദിവസം മാത്രം 11 പേരെ ആശുപത്രിയില്‍ പ്രവേശിപ്പിച്ചു.

എന്നാല്‍ രാജ്യം മറ്റൊരു കോവിഡ് തരംഗത്തിലേക്ക് നീങ്ങാതിരിക്കാന്‍ അധികൃതര്‍ ശക്തമായ പ്രതിരോധ നടപടികള്‍സ്വീകരിച്ചിട്ടുണ്ട്.വിദേശികള്‍ അടക്കമുള്ളവര്‍ക്ക് സൗജന്യ ബൂസ്റ്റര്‍ ഡോസ് നല്‍കി വരുന്നു.ബൂസ്റ്റര്‍ ഡോസ് ലഭിക്കാന്‍http://covid19.moh.gov.om.  എന്ന ലിങ്കില്‍ മുന്‍കൂട്ടി പേര് രജിസ്റ്റര്‍ ചെയ്യേണ്ടതാണ്.