റിയാദ്: സഊദിയിൽ ആറു ദിവസത്തിനിടെ കാൽ ലക്ഷം സ്വദേശി യുവാക്കൾ തൊഴിലപേക്ഷ നൽകിയതായി റെഡ്‌സീ പദ്ധതി അറിയിച്ചു. സഊദി യുവാക്കൾക്കായി തൊഴിൽ അപേക്ഷിക്കാനായി തയ്യാറാക്കിയ പ്രത്യേക പ്ലാറ്റ്ഫോം വഴി ആറു ദിവസത്തിനിടെ 23000 പേരാണ് തൊഴിലിനായി അപേക്ഷ നൽകിയത്. ജനുവരി പത്ത് മുതൽ പതിനാറ് വരെയുള്ള സമയങ്ങളിലായി അപേക്ഷിച്ചവരിൽ ഭൂരിഭാഗവും പുതിയതായി പഠനം കഴിഞ്ഞു പുറത്തിറങ്ങിയവരാണ്.

      തിരഞ്ഞെടുക്കപ്പെടുന്ന സഊദി യുവാക്കളെ വിവിധ വിഭാഗങ്ങളിലായി നടക്കുന്ന ഇന്റർവ്യൂവിന് ശേഷമായിരിക്കും നിയമനം നൽകുകയെന്ന് റെഡ്‌സീ ഡെവലപ്മെന്റ് കമ്പനി അറിയിച്ചു. സഊദി യുവാക്കൾ തൊഴിലുകൾക്കായി കാത്തിരിക്കുകയാണെന്നതാണ് ചുരുങ്ങിയദിവസത്തിനുള്ളിൽ ഇത്രയുമധികം അപേക്ഷകൾ എത്തിയത് വ്യതമാക്കുന്നത്.