തിരുവനന്തപുരം: വാഹനപരിശോധനയ്ക്കിടെ തിരുവനന്തപുരത്ത് പൊലിസിനു നേരെ ആക്രമണം. സൈനികനാണ് പൊലിസിനെ അക്രമിച്ചത്. പൂന്തുറ സ്റ്റേഷനിലെ രണ്ട് എസ്.ഐമാര്‍ക്കു പരുക്കേറ്റു. ഒരു എസ്.ഐയുടെ കൈയ്യൊടിഞ്ഞു. സംഭവത്തില്‍ കെല്‍വിന്‍ വില്‍സ് എന്ന സൈനികനെ പൊലിസ് അറസ്റ്റ് ചെയ്തു.

വാഹനപരിശോധനയ്ക്കിടെ വനിതാ പൊലിസുദ്യോഗസ്ഥയോട് മോശമായി പെരുമാറിയതിന് ഇയാളെ അറസ്റ്റ് ചെയ്യാന്‍ ശ്രമിക്കുന്നതിനിടെയാണ് ഇയാള്‍ പൊലിസിനെ അക്രമിച്ചത്. പൊലിസ് വാഹനം ഇടിച്ചുതെറിപ്പിക്കാന്‍ ശ്രമിക്കുകയും ചെയ്തു.