ജമ്മു: ജമ്മു കശ്മീര്‍ അതിര്‍ത്തിയില്‍ പാക് സൈന്യത്തിന്റെ വെടിവയ്പ്പില്‍ ഒരു സൈനികന്‍ കൊല്ലപ്പെട്ടു. ജമ്മു കശ്മിര്‍ റൈഫിള്‍സ് യൂനിറ്റ് ഹവില്‍ദാര്‍ നിര്‍മല്‍ സിങ് ആണ് മരിച്ചത്. ഗുരുതര പരുക്കേറ്റ ഇദ്ദേഹത്തെ ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല.

നിയന്ത്രണ രേഖയില്‍ പൂഞ്ച് ജില്ലയിലെ കൃഷ്ണ ഘാട്ടി സെക്ടറിലാണ് ആക്രമണം ഉണ്ടായത്. ഇന്ത്യ ശക്തമായി തിരിച്ചടിച്ചു. പ്രകോപനമില്ലാതെ പാക് സൈന്യം ആക്രമണം നടത്തുകയായിരുന്നു.