ഡല്‍ഹി: ട്രാക്ടര്‍ റാലി സംഘര്‍ഷത്തില്‍ യുഎപിഎ ചുമത്തി ചുമത്തി ഡല്‍ഹി പൊലിസ് എഫ്.ഐ.ആര്‍ ഇട്ടു. അക്രമണം ഡല്‍ഹി പൊലിസ് സ്‌പെഷ്യല്‍ സെല്‍ അന്വേഷിക്കും. ഗൂഢാലോചനയും ആക്രമത്തിലേക്ക് നയിച്ച വ്യക്തികളെയും സംബന്ധിച്ചാകും സെല്‍ അന്വേഷിക്കുക. ലോക്കല്‍ പൊലിസിന്റെ അന്വേഷണം സമാന്തരമായി നടക്കും.

ഗാസിപ്പൂരിലെ കര്‍ഷക സമര വേദി ഒഴിപ്പിക്കാന്‍ പൊലിസ് നീക്കം തുടങ്ങി. രാത്രി പതിനൊന്നിന് മുമ്പ് ഒഴിയാന്‍ നോട്ടീസ് നല്‍കി. വെടിയുതിര്‍ത്താലും സ്ഥലത്ത് തുടരുമെന്ന നിലപാടിലാണ് കര്‍ഷക സംഘടനകള്‍. തിക്രി അതിര്‍ത്തിയിലേക്ക് കൂടുതല്‍ ട്രാക്ടറുകള്‍ എത്തിക്കുവാനാണ് പദ്ധതി.