കൊച്ചി: നിനിത കണിച്ചേരിയുടെ നിയമനത്തില്‍ പരാതിയില്ലെന്ന് വിഷയ വിദഗ്ധന്‍ ഡോ. ടി പവിത്രന്‍ ഇമെയില്‍ അയച്ചതായി കാലടി വാഴ്‌സിറ്റി വൈസ് ചാന്‍സലര്‍ അറിയിച്ചു. റാങ്ക് പട്ടിക തയ്യാറാക്കുന്നത് വിഷയ വിദഗ്ധരെന്ന് കരുതിയതായി ഡോ. പവിത്രന്‍ സന്ദേശത്തില്‍ പറയുന്നു. പ്രശ്‌നം രാഷ്ട്രീയവല്‍കരിച്ചതിലെ വിയോജിപ്പ് അദ്ദേഹം അറിയിച്ചു. എന്നാല്‍ ടി പവിത്രന്റെ ഭാഗത്തുനിന്ന് വിശദീകരണമൊന്നുമുണ്ടായിട്ടില്ല. ഇതിനിടെ കാലടി സര്‍വകലാശാലയില്‍ പ്രതിഷേധം തുടരുകയാണ്.