റിയാദ്: കൊവിഡ് നിയന്ത്രണ മാനദണ്ഡങ്ങൾ പാലിക്കാത്തതിനെ തുടർന്ന് റിയാദിലെ മറീന മാൾ അധികൃതർ അടപ്പിച്ചു. വാണിജ്യ കാര്യ മന്ത്രാലയമാണ് മാൾ അടച്ചു പൂട്ടാൻ ഉത്തരവിട്ടത്. തുടർച്ചയായ കൊവിഡ് പ്രതിരോധ പ്രവർത്തനങ്ങളിലെ വീഴ്ചയും മുൻകരുതൽ നടപടികൾ പാലിക്കുന്നതിൽ പരാജയപ്പെടുന്നതും കാരണമാണ് മാൾ അടച്ചു പൂട്ടാൻ നിർദേശം നൽകിയത്. മുനിസിപ്പാലിറ്റിയുടെ സഹകരണത്തോടെ വാണിജ്യ മന്ത്രാലയത്തിന്റെ നിയന്ത്രണ സംഘമാണ് അടച്ചു പൂട്ടിയത്.