കൊടുങ്ങല്ലൂര്‍: കുടുംബത്തിലെ നാലുപേരെ മരിച്ച നിലയില്‍ കണ്ടെത്തി. ചന്തപ്പുര ഉഴുവത്തുംകടവ് കാടാംപറമ്പത്ത് റിട്ട. പി.ഡബ്ല്യു.ഡി ഉദ്യോഗസ്ഥനായ ഉബൈദുവിന്റെ മകന്‍ ആഷിഫ് (കുഞ്ഞുമോന്‍ 41), ഭാര്യ അസീറ (34), ഇവരുടെ 12ഉം എട്ടും വയസ്സുള്ള പെണ്‍മക്കള്‍ എന്നിവരെയാണ് മരിച്ച നിലയില്‍ കണ്ടെത്തിയത്.

നാലു പേരുടെയും മൃതദേഹങ്ങള്‍ നിലത്ത് കിടക്കുന്ന നിലയിലായിരുന്നു. സോഫ്റ്റ് വെയര്‍ എന്‍ജിനീയറായിരുന്നു ആഷിഫ്. ആത്മഹത്യയാണെന്നാണ് പ്രാഥമിക നിഗമനം.

വീടിന്റെ മുകള്‍ നിലയിലായിരുന്നു ആഷിഫും ഭാര്യയും മക്കളും താമസിച്ചിരുന്നത്. ഞായറാഴ്ച രാവിലെയായിട്ടും ഇവരെ പുറത്തേക്ക് കാണാതായതോടെ കുടുംബാംഗങ്ങള്‍ മുകളിലെത്തി പരിശോധിച്ചപ്പോഴാണ് നാലുപേരെയും മരിച്ച നിലയില്‍ കണ്ടെത്തിയത്.