HOME
DETAILS

സി.പി.എം പ്രവര്‍ത്തകന്റെ കൊല: അന്വേഷണം പൊലിസുകാരനിലേക്കും; ചോദ്യം ചെയ്ത് അന്വേഷണ സംഘം

  
backup
February 23 2022 | 17:02 PM

cpm-activists-murder-probe-goes-to-police-question-and-inquiry-team

കണ്ണൂര്‍: പുന്നോലില്‍ സി.പി.എം പ്രവര്‍ത്തകന്‍ ഹരിദാസനെ ക്രൂരമായി വെട്ടികൊലപ്പെടുത്തിയ സംഭവത്തില്‍ അന്വേഷണം പൊലിസുകാരനിലേക്കും.
കണ്ണവം പൊലിസ് സ്റ്റേഷനിലെ ഉദ്യോഗസ്ഥനായ സുരേഷിനുനേരെയാണ് സംശയമുയര്‍ന്നിരിക്കുന്നത്. ഇതോടെ ഇയാളെ അന്വേഷണ ഉദ്യോഗസ്ഥര്‍ ചോദ്യം ചെയ്യുകയാണ്.
കൊലപാതകം നടന്ന ദിവസം കേസിലെ പ്രതികളില്‍ ഒരാളായ കെ.ലിജീഷ് സുരേഷിനെ വിളിച്ചിരുന്നു. പ്രതികളുടെ ഫോണ്‍ പരിശോധിച്ചതില്‍ നിന്നാണ് ഇക്കാര്യം വ്യക്തമായത്. പുലര്‍ച്ചെ ഒരു മണിക്കാണ് ഇരുവരും തമ്മില്‍ സംസാരിച്ചത്. ഇതിന്റെ അടിസ്ഥാനത്തിലാണ് സുരേഷിനെ പൊലിസ് വിഷദമായി ചോദ്യം ചെയ്യുന്നത്.
അതേ സമയം ആളുമാറിയാണ് സുരേഷിനെ വിളിച്ചതെന്നാണ് ലിജീഷ് നല്‍കുന്ന മൊഴി. അതേ സമയം കേസില്‍ ഇന്ന് ഒരാള്‍ കൂടി അറസ്റ്റിലായി. പുന്നോല്‍ സ്വദേശി നിജില്‍ ദാസാണ് പിടിയിലായത്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."