കണിയാമ്പറ്റ: ഗവ. ഹയര്‍ സെക്കന്‍ഡറി സ്‌കൂള്‍ സംസ്‌കൃത ക്ലബിന്റെ ആഭിമുഖ്യത്തില്‍ സംസ്‌കൃത ദിനാഘോഷം സംഘടിപ്പിച്ചു. ഹ്രസ്വ ചിത്രീകരണം, രാമായണ പ്രശ്‌നോത്തരി, ചിത്ര രചന, വന്ദേമാതര മത്സരം, സംസ്‌കൃത ഗാനാലാപനം, കൊളാഷ് പ്രദര്‍ശനം എന്നിവയും നടത്തി. പ്രധാനാധ്യാപകന്‍ എ.ഇ ജയരാജന്‍ ഉദ്ഘാടനം ചെയ്തു. കെ.ബി ബാബു അധ്യക്ഷനായി. ഇ അഫ്‌സ, പി.ജി സുജാകുമാരി, വി രാമചന്ദ്രന്‍, അയിഷാ, സുഭാഷ് എസ് നായര്‍, കെ.എ ഫിലോമിന, ഷാജി പുല്‍പ്പള്ളി, ഗേളി ആര്‍, അര്‍ച്ചന, വിദ്യാ സംസാരിച്ചു.
ഏച്ചോം: സര്‍വോദയ ഹയര്‍ സെക്കന്‍ഡറി സ്‌കൂളിലെ സംസ്‌കൃത ദിനാചരണം പ്രഥമാധ്യാപകന്‍ ഫാ. വില്‍സന്‍ പുതുശേരി ഉദ്ഘാടനം ചെയ്തു. ജെയ്‌സ് വിന്‍സെന്റ്, എ.കെ അഞ്ജലി കൃഷ്ണ, എ.കെ ആശ, ശ്രുതികരാജ്, ജില്‍നരാജ്, എസ് അരുന്ധതി നേതൃത്വം നല്‍കി.
കല്‍പ്പറ്റ : എച്ച്.ഐ.എം.യു.പി.സ്‌കൂളില്‍ സംസ്‌കൃതദിനാചരണം നടത്തി. പ്രധാനാധ്യാപിക പി.ഒ ശ്രീലത ഉദ്ഘാടനം ചെയ്തു. അധ്യാപകരായ എം.കെ പൗലോസ്, കെ അലി, സുബിന, ലെജി ജോണ്‍ എന്നിവര്‍ സംസാരിച്ചു. യോഗത്തില്‍ സംസ്‌കൃത ക്ലബ് തയ്യാറാക്കിയ സംസ്‌കൃത മാഗസിന്‍ പ്രചോദിനിയുടെ പ്രകാശനം നിര്‍വഹിച്ചു. സംസ്‌കൃത പ്രാര്‍ഥന, സംസ്‌കൃത സന്ദേശം, സംസ്‌കൃത വാര്‍ത്താവായന തുടങ്ങിയ പരിപാടികള്‍ നടന്നു. സംസ്‌കൃതദിനത്തോടനുബന്ധിച്ച് നടത്തിയ ക്വിസ് മത്സരം, രചനാ മത്സരങ്ങല്‍ എന്നിവയില്‍ വിജയികളായവര്‍ക്കുള്ള സമ്മാനവിതരണവും നടന്നു.
മുട്ടില്‍: വയനാട് ഓര്‍ഫനേജ് വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍ ദേശീയ സംസ്‌കൃത ദിനാഘോഷം ജില്ലാ ഇന്‍ഫര്‍മേഷന്‍ ഓഫിസര്‍ ഖാദര്‍ പാലാഴി ഉദ്ഘാടനം ചെയ്തു. സംസ്‌കൃത ഭാഷ ഭാരത സംസ്‌കാരത്തിന് ചടുലത നല്‍കിയതായി അദ്ദേഹം പറഞ്ഞു. മതപരമായി ഭാഷകളെ തരം തിരിക്കുന്നത് ശരിയല്ല. ഉപയോഗിക്കുന്നവരുടെ മതമല്ല ഭാഷയുടെ പൈതൃകം. ഭാഷയുടെ അസ്ഥിത്വവും പരിണാമവും സ്വതന്ത്രമാണ് എന്നും അദ്ദേഹം പറഞ്ഞു. സ്‌കൂള്‍ പ്രിന്‍സിപ്പാള്‍ പി.വി മൊയ്തു അധ്യക്ഷനായി. ഡബ്ല്യു.എം.ഒ അഡ്മിനിസ്‌ട്രേറ്റര്‍ പി അബ്ദുള്‍ റസാഖ്, ജെസ്സി പൊള്‍, പി.പി മുഹമ്മദ്, കെ. നിത്യ, കെ. രമ സംസാരിച്ചു.