മുട്ടില്‍: പ്രവാസി ലീഗ് ആവിഷ്‌കരിച്ച് നടപ്പാക്കുന്ന സുരക്ഷാധാര പ്രവാസി സെക്യൂരിറ്റി സ്‌കീം വിതരണവും, എം.എസ്.എഫ് സംസ്ഥാന ജനറല്‍ സെക്രട്ടറി എം.പി നവാസിന് സ്വീകരണവും, ജില്ലയില്‍ നിന്നും ഹജ്ജിന് പോകുന്നവര്‍ക്കുള്ള യാത്രയയപ്പും ഇന്ന് ഉച്ചക്ക് 2.30ന് മുട്ടില്‍ പഞ്ചായത്ത് കോണ്‍ഫ്രന്‍സ് ഹാളില്‍ നടക്കും.
ജില്ലാ ലീഗ് പ്രസിഡന്റ് പി.പി.എ കരീം ഉദ്ഘാടനം ചെയ്യും. കെ നൂറുദ്ദീന്‍ അധ്യക്ഷനാകും.
പ്രവാസി ലീഗ് സംസ്ഥാന ആക്ടിങ് പ്രസിഡന്റ് എസ്.വി അബ്ദുല്ല മുഖ്യപ്രഭാഷണം നടത്തും. സുരക്ഷാധാര ഫണ്ട് വിതരണം സംസ്ഥാന കണ്‍വീനര്‍ കെ.എം.കെ കാഞ്ഞിയൂര്‍ നിര്‍വഹിക്കും. എം.എ മുഹമ്മദ് ജമാല്‍, കെ.സി അഹമ്മദ്, സി മൊയ്തീന്‍കുട്ടി, റസാഖ് കല്‍പ്പറ്റ, എന്‍.കെ റഷീദ്, കെ.എ മുജീബ്, എം.പി നവാസ്, എകരത്ത് മൊയ്തു ഹാജി, മുഹമ്മദ് പനന്തറ, സി നൂറുദ്ദീന്‍, മുഹമ്മദ് വടകര സംസാരിക്കും.