കീവ്: ഉക്രൈനില്‍ അനിശ്ചിതത്വം തുടരുന്ന സാഹചര്യത്തില്‍ ഇന്ത്യക്കാര്‍ സുരക്ഷിത ഇടത്തേക്ക് മാറണമെന്ന് ഇന്ത്യന്‍ എംബസി. യാത്രയിലാണെങ്കിലും സുരക്ഷിതരായിരിക്കണം. കീവിലേക്ക് യാത്ര ചെയ്യുന്ന ഇന്ത്യക്കാര്‍ താമസസ്ഥലക്കേത്ത് തന്നെ മടങ്ങിപ്പോകണമെന്നും നിര്‍ദ്ദേശം.

മലയാളികള്‍ അടക്കമുള്ള ഇന്ത്യക്കാര്‍ യുക്രെയ്‌നില്‍ കുടുങ്ങിക്കിടക്കുകയാണ്. വിമാനസര്‍വീസുകള്‍ മുടങ്ങിയതോടെ ഇന്ത്യന്‍ രക്ഷാദൗത്യവും അനിശ്ചിതത്വത്തിലായി. ഉക്രൈന്‍ തലസ്ഥാനമായ കീവിലെ വിമാനത്താവളം അടച്ചിട്ടിരിക്കുകയാണ്. രക്ഷാദൗത്യത്തിനായി കീവിലേക്ക് പോയ എയര്‍ഇന്ത്യ വിമാനം, വിമാനത്താവളം അടച്ചെന്ന വിവരത്തെ തുടര്‍ന്ന് തിരികെ പോരുകയായിരുന്നു.