കീവ്: ഉക്രൈനില്‍ കുടുങ്ങിക്കിടക്കുന്ന ഇന്ത്യക്കാരെ തിരികെയെത്തിക്കുന്ന ഓപറേഷന്‍ ഗംഗ തുടരുന്നു. 3,000 ഇന്ത്യക്കാരെ ഇന്ന് തിരികെയെത്തിക്കും. റൊമേനിയ,ഹംഗറി,പോളണ്ട്, സ്ലോവാക്യ എന്നീ രാജ്യങ്ങളില്‍ നിന്നുള്ള 6 വിമാനങ്ങളാണ് ഇന്ന് രാജ്യത്തെത്തുക. റൊമാനിയയില്‍ നിന്നുള്ള വിമാനമാണ് ആദ്യം ഡല്‍ഹിയിലെത്തുക.

കിഴക്കന്‍ ഉക്രൈനില്‍ കുടുങ്ങിയ ഇന്ത്യക്കാരെ ഒഴിപ്പിക്കാമെന്നു റഷ്യ ഉറപ്പ് നല്‍കിയിട്ടുണ്ട്. റഷ്യന്‍ അതിര്‍ത്തി വഴിയായിയിരിക്കും ഒഴിപ്പിക്കല്‍. പുടിന്‍മോദി ചര്‍ച്ചയ്ക്ക് ശേഷമാണു പുതിയ ദൗത്യത്തിന് വഴി തെളിഞ്ഞത്. ചര്‍ച്ചയ്ക്ക് തൊട്ടുപിന്നാലെയാണ് ഇന്ത്യയിലെ റഷ്യന്‍ എംബസി ട്വിറ്ററില്‍ ഇക്കാര്യം അറിയിച്ചത്.