ആന്‍ഡ്രോയിഡ് പുതിയ പതിപ്പായ ആന്‍ഡ്രോയ്ഡ് 7.0 ന്യൂഗട്ട് പുറത്തിറങ്ങുന്ന തിയ്യതി പുറത്തായി. വമ്പന്‍ പ്രത്യേകതകളുമായി ഓഗസ്റ്റ് 22 ന് പുറത്തിറക്കുമെന്നാണ് അവസാനം ലഭിക്കുന്ന റിപ്പോര്‍ട്ട്. നെക്‌സസ് ഹൗവേയ് 6പി, എല്‍.ജി, നെക്‌സസ് 5എക്‌സ് എന്നിവയിലാണ് ന്യൂഗട്ട് വേര്‍ഷന്‍ എത്തുകയെന്നാണ് പ്രമുഖ മൊബൈല്‍ വിദഗ്ധരായ ടെലസ് അതിന്റെ റിപ്പോര്‍ട്ടില്‍ പറയുന്നത്.

മലയാളികളുടെ നെയ്യപ്പെത്തെ തോല്‍പ്പിച്ചാണ ന്യൂഗട്ട് ആന്‍ഡ്രോയിഡിന്റെ പുതിയ പതിപ്പിന്റെ പേര് സ്വന്തമാക്കിയത്. ന്യൂട്ടെല്ലയാകും ഔദ്യോഗികമായി സ്വീകരിക്കപ്പെടുന്ന പേരെന്ന അഭ്യൂഹങ്ങളും ശക്തമായിരുന്നു. ഗൂഗിള്‍ ആസ്ഥാനത്ത് നടന്ന അനാച്ഛാദന ചടങ്ങിലാണ് ആന്‍ഡ്രോയിഡ് 7.0 ന്യൂഗട്ട് എന്ന പേര് പ്രഖ്യാപിച്ചത്. പരിഷ്‌കരിച്ച് നോട്ടിഫിക്കേഷന്‍ ഷെയ്ഡും സ്പ്ലിറ്റ് സ്‌ക്രീന്‍ മള്‍്ട്ടിടാസ്‌കിങുമൊക്കെയുള്ളതാണ് പുതിയ ആന്‍ഡ്രോയിഡ്. പഞ്ഞിമിഠായി മാഷ്മലോയുടെ പേരായിരുന്നു കഴിഞ്ഞ പതിപ്പിന് നല്‍കിയിരുന്നത്.