ന്യൂഡൽഹി: പഞ്ചാബിലെ അമൃത്‌സറിൽ സഹപ്രവർത്തകന്റെ വെടിയേറ്റ് നാലു ബി.എസ്.എഫ് ജവാൻമാർ കൊല്ലപ്പെട്ടു. ഞായറാഴ്ച രാവിലെയായിരുന്നു സംഭവം. സട്ടേപ്പ എസ്.കെ എന്ന കോൺസ്റ്റബിളാണ് സഹപ്രവർത്തകർക്കു നേരെ നിറയൊഴിച്ചത്. സംഭവത്തിൽ ഇയാളും കൊല്ലപ്പെട്ടിട്ടുണ്ട്. അതേസമയം അക്രമി സ്വയം നിറയൊഴിച്ചതാണോ അതോ മറ്റുള്ളവരാൽ കൊല്ലപ്പെട്ടതാണോ എന്ന് വ്യക്തമല്ല. അമൃത് സറിലെ ഖാസ ഏരിയയിൽ ബി.എസ്.എഫിന്റെ ബറ്റാലിയൻ 144 കാംപസിലാണ് വെടിവയ്പ് നടന്നത്.