മക്ക
ഇസ് ലാമിക മൂല്യങ്ങളും നീതിയും നിലനിർത്താൻ ശ്രമിച്ച മഹദ് വ്യക്തിത്വമായിരുന്നു അന്തരിച്ച സയ്യിദ് ഹൈദരലി ശിഹാബ് തങ്ങളെന്ന് മുസ് ലിം വേൾഡ് ലീഗ് (റാബിത്ത) ഫിഖ്ഹ് കൗൺസിൽ സെക്രട്ടറി ഡോ. സ്വാലിഹ് സാബിൻ അൽ മർസൂഖി പ്രസ്താവിച്ചു.

പ്രബോധന മേഖലയിൽ ഇന്ത്യയിലും വിശിഷ്യാ കേരളത്തിലും വലിയ സ്വാധീനം ചെലുത്തിയ നിസ്വാർഥ പ്രബോധകനും ചിന്തകനുമാണ് തങ്ങളുടെ വിയോഗത്തോടെ നഷ്ടമായത്.
സമസ്ത ജനറൽ സെക്രട്ടറി പ്രൊഫ. കെ. ആലിക്കുട്ടി മുസ് ലിയാർക്ക് അയച്ച സന്ദേശത്തിലാണ് ഡോ. മർസൂഖി തന്റെ അനുശോചനവും ദുഃഖവും പ്രകടിപ്പിച്ചത്.