പാറശാല: കുളത്തൂര്‍ ഗ്രാമപഞ്ചായത്തും കൃഷിഭവനും സംയുക്തമായി സംഘടിപ്പിച്ച കര്‍ഷക ദിനാചരണം കെ. ആന്‍സലന്‍ എം.എല്‍.എ ഉദ്ഘാടനം ചെയ്തു. പാറശാല ബ്ലോക്ക് പഞ്ചായത്ത് പ്രസിഡന്റ് സലൂജ മികച്ച കര്‍ഷകനെ ആദരിച്ചു. കുളത്തൂര്‍ പഞ്ചായത്തിലെ സ്‌കൂള്‍ പച്ചക്കറിത്തോട്ടം പദ്ധതിയുടെ ഉദ്ഘാടനം വലിയവിള എല്‍.പി.സ്‌കൂളിലെ വിദ്യാര്‍ഥികള്‍ക്ക് തൈ വിതരണം ചെയ്ത് ജില്ലാ പഞ്ചായത്ത് അംഗം ജോസ്‌ലാല്‍ നിര്‍വഹിച്ചു. ചടങ്ങില്‍ കുളത്തൂര്‍ പഞ്ചായത്ത് പ്രസിഡന്റ് ബെന്‍സി , ജില്ലാ പഞ്ചായത്ത് അംഗം ബെന്‍ഡാര്‍വിന്‍ , കൃഷി ഓഫിസര്‍ പ്രകാശ് ക്രിസ്റ്റ്യന്‍ തുടങ്ങിയവര്‍ പങ്കെടുത്തു.