കാഞ്ഞങ്ങാട്: മക്കളുടെ നീതിക്കായുള്ള പോരാട്ടത്തില്‍ വാളയാറിലെ അമ്മയോടൊപ്പമാണെന്ന് സി.പി.എം പോളിറ്റ് ബ്യൂറോ അംഗം ബൃന്ദ കാരാട്ട്. മരണം വരെ കുടുംബത്തിന്റെ കൂടെയുണ്ടാകും. അമ്മക്ക് ഐക്യദാര്‍ഡ്യം പ്രഖ്യാപിക്കുകയാണ്. ധര്‍മ്മടത്ത് സ്ഥാനാര്‍ഥിയായി നില്‍ക്കുന്നത് അവരുടെ രാഷ്ട്രീയപരമായ തീരുമാനമാണ്. അത് ചോദ്യം ചെയ്യേണ്ടതില്ലെന്നും ബൃന്ദ കാരാട്ട് കൂട്ടിച്ചേര്‍ത്തു.

എല്‍.ഡി.എഫ് വീണ്ടും അധികാരത്തില്‍ വരും. പ്രതിപക്ഷം സര്‍ക്കാറിനെതിരെ തെറ്റായ പ്രചരണം നടത്തുന്നു. റേഷന്‍ കടകളില്‍ പോയി ഭക്ഷ്യ സുരക്ഷയെക്കുറിച്ച് നരേന്ദ്ര മോദി അന്വേഷിക്കണം. ഭക്ഷണ കിറ്റുകളെ കുറിച്ചും. റിലയന്‍സിന്റെ ബ്രാന്‍ഡ് അംബാസഡറാണ് മോദി.
ഭരണത്തുടര്‍ച്ച കിട്ടിയാല്‍ കേരളം നശിക്കുമെന്ന് എ.കെ.ആന്റണി പറഞ്ഞത് എന്തിനാണെന്ന് എനിക്കറിയില്ല. ഗുരുവായൂരില്‍ ലീഗിന്റെ സ്ഥാനാര്‍ഥിക്ക് വോട്ട് നല്‍കണമെന്ന് ബി.ജെ.പി നേതാവ് സുരേഷ് ഗോപി പറയുന്നത് എന്ത് കൊ

ണ്ടാണെന്നും ബൃന്ദ ചോദിച്ചു. കാഞ്ഞങ്ങാട് പ്രസ് ഫോറത്തില്‍ വാര്‍ത്ത സമ്മേളനത്തില്‍ സംസാരിക്കുകയായിരുന്നു.