മലപ്പുറം: ശഅ്ബാന്‍ നിലാവ് മാപ്പിളപ്പാട്ട് റിയാലിറ്റി ഷോ ഫൈനല്‍ മത്സര വിജയികളെ പ്രഖ്യാപിച്ചു. തീര്‍ത്ഥ എസ് കോട്ടക്കല്‍ ആണ് ഒന്നാം സ്ഥാനം. അസ്‌ക്കറലി മണ്ണാര്‍ക്കാടു രണ്ടാം സ്ഥാനവും  ആശിഖ് വൈലത്തൂര്‍ മൂന്നാം സ്ഥാനവും നേടി. 127 മത്‌സരാര്‍ഥികളില്‍ നിന്നു 30 പേര്‍ ഫൈനലില്‍ മാറ്റുരച്ചു. ബാപ്പു കൂട്ടില്‍, മുഹ്‌സിന്‍ കുരിക്കിള്‍, മുഹമ്മദ് രാമപുരം, അബൂത്വാഹിര്‍ മൗലവി പനങ്ങാങ്ങര, സജ്‌ന തിരുവമ്പാടി, നിസാര്‍ തൊടുപുഴ, ഫിറോസ് ഖാന്‍ പുത്തനങ്ങാടി തുടങ്ങിയവരെ ചടങ്ങില്‍ ആദരിച്ചു. പി ഉബൈദുല്ല എംഎല്‍എ ഉദ്ഘാടനം ചെയ്തു. മുന്‍ എം.പി ടി.കെ ഹംസ,  കെ.കെ ആബിദ് ഹുസൈന്‍ തങ്ങള്‍ എംഎല്‍എ, മങ്കട ബ്ലോക്ക് പഞ്ചായത്ത് പ്രസിഡന്റ് ഇ.സഹീദ, സി.എച്ച് ജമീല, കരുവള്ളി ഹബീബ തുടങ്ങിയവര്‍ പങ്കെടുത്തു. അബ്ദുസ്സലാം വെങ്കിട്ട അധ്യക്ഷനായി. പി. രാജീവ്, നസീം ചോലക്കല്‍, റഫീഖ് ടി.ടി, അക്‌റം ചുണ്ടയില്‍, ഫാറൂഖ് കെ.പി, ശബീര്‍ വടക്കാങ്ങര, അനീസ് ചൂണ്ടയില്‍ നേതൃത്വം നല്‍കി.